Isus Navin 11

O Isus Navin osvojil e gava po sever

1Kana pale godova ašunda o Javin, o caro e Hacoresko, vo godova javisarda e Jovavešće, e carošće andar o Madon, e carošće andar o Šimron, e carošće andar o Ahšaf 2thaj e caronenđe ande severne gorske krajurja, ande dolina Arava južno katar o Kineret, ande ravnica thaj ando Nafot-Dor po zapado, 3e Hanaaconenđe po istoko thaj po zapado, e Amorejconenđe, e Hetitonenđe, e Perižanenđe, thaj e Jevusejconenđe ande gorske krajurja thaj e Hiviconeneđe save trajinas tele ke gora Hermon ando područje Micpa. 4Akala inkljistine sa pire vojskasa e bute grastenca thaj e vordonenca palo maripe. Sas godoja bari vojska sago pesko pe morsko obala. 5Sa akala carurja udružisajle, pa sa zajedno utaborisajle ke Meromske paja te ratujin e Izraelconenca.

6O GOSPOD phendas e Isuse Navinešće: “Na dara lendar, kaj thejara ande akaja vrjama dava e pobeda e Izraelconenđe. Tu sa mudareja len, osakatija lenđe grasten thaj deja jag lenđe vordona palo maripe.”

7O Isus Navin thaj e sasti vojska lesa iznenada inkljistine pe lende ke Meromske paja thaj napadnisardine len. 8O GOSPOD predaisarda len ande vas e Izraelconenđe thaj von pobedisardine len. Progoninas len sa dži ko baro Sidon, dži ko Misrefot-Majim thaj dži ke dolina Micpa po istok. Gajda porazisardine len kaj ni jećhe či mukline po trajo. 9O Isus Navin ćerda gajda sago kaj o GOSPOD phendas: osakatisardas lenđe grasten, thaj dija jag lenđe vordona palo maripe. 10Askal o Isus Navin bolda pe, thaj zauzmisarda o Hacor thaj e mačesa mudarda lešće caro. O Hacor sas glavno gav sa akale carstvonenđe. 11Sa so sas džudo ande leste mudardine e mačesa. Potpuno uništisardine len, khonikas či mukla po trajo thaj o Isus Navin dija jag o gav Hacor.

12O Isus Navin zauzmisarda sa e carske gava thaj e mačesa mudarda sa lenđe caronen. Vo potpuno uništisarda len, sago kaj zapovedisardas o Mojsija, o sluga e GOSPODESKO. 13Katar godola gava save sas vazdine pe brežuljkurja, o Izrael či dija jag ni jek osim o Hacor, savo dija jag o Isus Navin. 14E Izraelcurja line pale peste sa o barvalipe thaj e stoka andar godola gava, a sa e manušen mudardine e mačesa thaj khonikas či mukline po trajo.

15Sago kaj o GOSPOD zapovedisarda pire slugašće e Mojsiješće, gajda o Mojsija zapovedisarda e Isuse Navinešće, thaj o Isus Navin ćerda gajda thaj khanči či mukla te na avel ćerdo katar sa so o GOSPOD zapovedisarda e Mojsiješće.

E phuv savi zauzmisarda o Isus Navin

16Gajda o Isus Navin zauzmisarda e sasti phuv: e gorske krajurja, sasti pustinja po jugo, o sasto gošensko krajo, e ravnica, e dolina Arava, e Izraelske planine thaj e thana tale planine, 17katar e gora Halak savi vazdel pe prema o Seir, dži ko Vaal-Gad ande libansko dolina tale gora Hermon. Vo zarobisarda thaj mudarda sa lenđe caronen. 18O Isus Navin but vrjama ratuisarda sa akale caronenca. 19Samo e Hivijcurja save trajin ando Givon sklopisardine miro e Izraelconenca. Sa aver gava sas zauzmime ando rato. 20Kaj o GOSPOD barosarda lengo ilo te ratujin protiv o Izrael. Zato o Izrael potpuno uništisarda len thaj mudarelas len bi milako, sago kaj o GOSPOD zapovedisarda e Mojsiješće. 21Ande godoja vrjama o Isus Navin đelo thaj istrebisarda sa e Anakošće potomkonen andar e gorske krajurja, Hevron, Devir thaj Anav thaj andar sa e judejske thaj e izraelošće gorske krajurja. Potpuno uništisarda vi len vi lenđe gava. 22Ande izraelsko phuv či ačhilo ni jek Anakosko potomko. Ačhile samo varekazom ande Gaza, ando Gat thaj ando Ašdod. 23Gajda o Isus Navin zauzmisarda e sasti phuv, baš sago kaj o GOSPOD phendas e Mojsiješće, thaj dija ando nasledstvo e Izraelošće prema lenđe plemenurja.

Askal e phuv odmorisajli katar o rato.