Chergash New Testament
1. Mojsije 29
O Jakov aresel ando Haran
Askal o Jakov nastavisarda o drom thaj avilo ande phuv ke istočne thema. Katar jekhar dikhla ando polje e haing thaj trin stada bakhren sar pašljon oko late, kaj e bakhren denas paj andar godoja haing. E haing sas učhardi e bare bareja. Tek kana sa e stada bakhre ćidinesas pes pe godova than, e pastirja linesas o bar tele katar e haing thaj dinesas e bakhren te pijen paj. Posle godova palem e baresa učhardinesas e haing.
O Jakov phučla e pastiren: “Katar sen, phralalen?”
Von phendine: “Andar o Haran.”
Askal vo phučla len: “Pindžaren tumen e Lavane, e Nahorešće unukos?”
Von phendine lešće: “Pindžaras.”
O Jakov majdur phučla len: “Sar si vo?”
Von phendine: “Lačhe si. Ake, lešći čhej e Rahilja baš avel lešće bakhrenca.” O Jakov phendas: “Dićhen, o đes si još baro. Naj još e vrjama te e stoka ćidel pe palo sovipe. Den e bakhren paj thaj mućen len pe čar.”
Von phendine: “Našti, dok sa e stada či ćiden pe thaj dok o bar či lel pe tele katar e haing. Tek askal šaj das paj e bakhren.”
Dok vo još ćerelas svato lenca, aresli e Rahilja pire dadešće bakhrenca, kaj voj lelas sama pe lende. Kana o Jakov dikhla e Rahilja, pire kakošće e Lavanešće čheja, thaj lešće bakhren, avilo ke haing, lijas tele o bar katar e haing thaj dijas paj pire kakošće bakhren. Askal o Jakov čumida e Rahilja thaj ačhilo glasno te rovel. Vo phendas e Rahiljaće kaj vo si laće dadešće phejako čhavo, e Revekako. Gajda voj prastaja thaj godova phendas pire dadešće.
Kana o Lavan ašundas kaj avilo o Jakov, lešće phejako čhavo, prastajas angle leste, dija les mrtiko thaj čumida les. Askal inđarda les ande piro ćher. A o Jakov pe godova ćerda svato e Lavanešće sa so sas lesa. O Lavan phendas: “Vi čače san tu mungro telo thaj rat!”
O Jakov lel pale romnji e Lija thaj e Rahilja
Kana o Jakov sas čhon đes ko Lavan, o Lavan phendas lešće: “Zar te ćeres manđe bući ivja zato kaj san mungre phejako čhavo? Phen manđe kozom te poćinav tuće.”
A e Lavane sas duj čheja. E majpurani akhardolas Lija, a e majterni Rahilja. E Lija sas šukar jakha, ali e Rahilja sas zgodno thaj šukar. O Jakov zavolisarda e Rahilja, pa zato phendas: “Ćerava bući pale tute efta brš pale ćiri majterni čhej e Rahilja.”
O Laban phendas: “Majlačhe te dav lat tuće nego varesave averešće. Ačh mande.”
Gajda o Jakov ćerelas bući pale Rahilja efta brš, save zbog e ljubav prema late sas lešće sago varekazom đesa.
Askal o Jakov phendas e Lavanešće: “De man mungre romnja, te lav lat romnjaće, kaj e vrjama savi ćeravas bući pale tute nakhli.”
Askal o Lavan ćida sa e manušen andar godova than thaj ćerda bari gozba. Ali kana peli e rjat, vo lijas pire čheja e Lija thaj dija lat e Jakovešće pale romnji thaj o Jakov pašljilo lava. A o Lavan dija pire ropkinja e Zilpa pire čhejaće e Lijaće pale sluškinja. Kana đesajli e detharin, o Jakov dikhla kaj e Lija si paše leste. Askal phendas e Lavanešće: “So ćerdan manđe godova? Zar či ćerdem bući pale Rahilja? Sostar hohadan man?”
O Lavan phendas lešće: “Akate amende naj običaj te e terni čhej lel rome majsigo katar e purani čhej. Završisar o svadbeno kurko e Lijava, pa askal dava tut vi e majterna pale savi ćereja bući aver efta brš.”
O Jakov gajda vi ćerda thaj završisarda o svadbeno kurko e Lijava. Askal o Lavan dija les pire aver čheja e Rahilja pale romnji, a pire ropkinja e Bilha dija e Rahiljaće pale sluškinja. Gajda o Jakov pašljilo vi e Rahiljasa. A e Rahilja volilas majbut katar e Lija. Pale godova ćerelas bući palo Lavan još efta brš.
E Jakovešće čhavra
O GOSPOD dikhla kaj e Lija naj volime, pa dija lat te ačhel khamni, a e Rahilja naštik ačhelas khamni.
E Lija ačhili khamni thaj bijandas čhaves saves dija alav Ruvim, kaj phendas: “O GOSPOD dikhla mungri nevolja, akana mungro rom volila man.”
E Lija palem ačhili khamni thaj bijandas čhaves, pa phendas: “Zato kaj o GOSPOD ašunda kaj naj sem volime, dija man vi akale čhaves.” Zato dija les alav Simeon.
Askal palem ačhili khamni thaj bijandas čhaves, pa phendas: “Akana mungro rom sikavela manđe piri ljubav, kaj bijandem lešće trin čhaven.” Zato dija les alav Levije.
Voj još jekhar ačhili khamni thaj bijandas čhaves, pa phendas: “Akava drom dava slava e GOSPODEŠĆE.” Zato dija les alav Juda.
Askal majbut više ačhili te bijanel.
Chergash New Testament. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.