1. Mojsije 1:27

O Del stvoril o nebo thaj e phuv

1Ando početko stvorisarda o Del o nebo thaj e phuv. 2E phuv nas oblikujime thaj sas čuči. E tama sas opral po bezdan thaj e Devlesko Duho lebdilas opral pe paja.

Prvo đes stvorime si o svetlo

3Askal o Del phendas: “Neka avel o svetlo.”

Thaj sas svetlo. 4O Del dikhla kaj svetlo si lačho thaj razdvojisarda o svetlost katar e tama. 5O Del akharda o svetlo “đes”, a e tama akharda “rjat”.

Thaj sas rjat, thaj sas e detharin – đes prvo.

Dujto đes stvorime si o nebo

6Askal o Del phendas: “Neka avel svodo maškar e paja, te razdvojil e paja save si opral o svodo katar e paja save si tele.”

7Thaj o Del ćerda svodo thaj razdvojisarda e paja talo svodo katar e paja opral o svodo. Thaj sas gajda. 8O Del akhardas o svodo “nebo”.

Thaj sas rjat, thaj sas detharin – dujto đes.

Trito đes stvorime si o kopno thaj biljke

9Askal o Del phendas: “Neka e paja talo nebo ćiden pes pe jek than thaj neka sikadol o kopno.”

Thaj sas gajda. 10O Del akharda o kopno “phuv”, a e ćidine paja “more”. Thaj o Del dikhla kaj si godova lačhe.

11Askal o Del phendas: “Neka e phuv bijanel bilje: svako vrsta biljke save den seme thaj plodonosne kašta save bijanen plodo e semenosa.”

Thaj sas gajda. 12E phuv bijandas svako vrsta biljke save den seme thaj svako vrsta kašta save bijanen plodo e semenosa. Thaj o Del dikhla kaj si godova lačhe.

13Thaj sas rjat, thaj sas detharin – trito đes.

Štarto đes stvorime si o kham, o čhonut thaj e čereja

14Askal o Del phendas: “Neka aven svetla po nebesko svodo, te razdvojin o đes katar e rjat thaj te označin e odredime vrjama, e đesa thaj e brša. 15Thaj neka e svetla po nebesko svodo osvetlin e phuv.”

Thaj sas gajda. 16O Del stvorisarda duj bare svetla: o kham te vladil e đesesa thaj o čhonut te vladil e raćava. Thaj stvorisarda e čereja. 17O Del čhuta len po nebesko svodo te osvetlin e phuv, 18te vladin e đesesa thaj e raćava thaj te razdvojin o svetlost katar e tama. Thaj o Del dikhla kaj si godova lačhe.

19Thaj sas rjat, thaj sas detharin – đes štarto.

Pandžto đes stvorime si e mačhe thaj e čiriklja

20Askal o Del phendas: “Neka e paja vrvin katar e džude bićurja thaj nek e čiriklja furjan opral pe phuv po nebesko svodo.”

21O Del stvorisarda e bare morske životinjen, thaj sa e džude bićen save plivin ando paj thaj katar save o paj vrvil, prema lenđe vrste, thaj sa pakhale čirikljen prema lenđe vrste. Thaj o Del dikhla kaj si godova lačhe.

22O Del blagoslovisarda len thaj phendas: “Aven plodne thaj množin tumen thaj pheren e morske paja. Thaj neka e čiriklja množin pes pe phuv.”

23Thaj sas rjat, thaj sas detharin – đes pandžto.

Šovto đes stvorime si e životinje po kopno thaj o manuš

24Askal o Del phendas: “Neka e phuv mućel andar peste džude bićen prema lenđe vrste: e stoka, e bićen save crden pes pe phuv thaj e divlje životinjen prema lenđe vrste.”

Thaj sas gajda. 25O Del ćerda divlje životinjen prema lenđe vrste, e stoka prema laći vrsta thaj e bićen save crden pes pe phuv prema lenđe vrste. Thaj o Del dikhla kaj si godova lačhe.

26Askal o Del phendas: “Hajde te ćeras manušes pe amari slika, te avel sago kaj sam amen. Neka avel e manušen vlast pe mačhe ando more thaj pe čiriklja po nebo, pe stoka, pe sasti phuv thaj pe sa bićurja save crden pes pe phuv.”

27Thaj o Del stvorisarda e manušes

pe piri slika.

Pe Devlešći slika

stvorisarda les,

muško thaj žensko

stvorisarda len.

28O Del blagoslovisarda len thaj phendas lenđe: “Aven plodne thaj množin tumen, pheren e phuv thaj podložin e phuv tumenđe! Vladin pe mačhe ando more thaj pe čiriklja po nebo thaj pe sa bićurja save crden pes pe phuv.”

29Askal o Del phendas: “Ake, pe sasti phuv dav tumen svako biljka savi del seme thaj svako kaš savo bijanel plodo saves si seme ande leste – neka aven tumenđe palo hamasko. 30A sa e divlje životinjenđe, sa e čirikljenđe thaj sa e bićenđe save crden pes pe phuv – sa so ande peste si les daho e trajosko – dav sa o zeleno bilje palo hamasko.”

Thaj sas gajda.

31Askal o Del dikhla sa so stvorisarda thaj dikhla kaj si godova but lačhe.

Thaj sas rjat thaj sas detharin – đes šovto.