सत मारग पर चलन वारो किताब
मत्ती 3
योहन बप्तिस्मा देवनवारा
(मरकुस 1:1-8; लूका 3:1-18; योहन 1:19-28)
ओनो दिवस मा, योहन बप्तिस्मा 1 देवन वालो, यहुदिया देस को सुनसान जंगल मा आयो अना परचार करन लगयो। 2अपरो पाप लक दुहूर भय जाव, काहे की सरग को राज3 कठा आय गई से। योहन वोच से जोन को गोस्टी यसायाह भविस्यवक्ता न कहिसेस का:
“जंगल मा एक मानूस हाकल रहयो से
का परमेस्वर की रास्ता ला तैयार करो,
योहन को कपरा ऊट को चुन्दी लक बनयो होतो। अना आपरी कमर मा चमड़ा को पट्टा बांधत होतो। ओको जेवन फाफा अना सहेद होतो।6 तबा येरुसलेम नगर, अना सारो यहुदिया देस, अना यरदन नदी को इतानी-उतानी को सब जघा, का लोक ओको जवर हिटके आइन। उनना आपरो-आपरो पाप ला मानके यरदन नदी मा ओको लक बप्तिस्मा7 लेईन। 8
जबा योहन न लगत सा मोसे को नियम को सिक्सक अना सदुकि फरिसी इनला बप्तिस्मा लेवन काजी आपरो जवर आवत चोविस, ता उनलक कहीस “हे सरप को अवलाद, तुमीला कोनी ना हेत दिलाइसेस, का आवन वालो कोप लक बचो” वोनो काम गीनला चोवके तुमी अपरो पाप लक मन हटाव अना आपरो आप मा साजरो फर पावो। 9 अना असो नोको सोचो, का तुमी यो कहेके दंड लक बच सकासेव का अबराहम तुमरो पुरखा से, मी तुमरो लक कव्हसु का परमेस्वर एना पहाड़ी को गोटा मा लक अबराहम को लाई आवलाद पैदा कर सकासे।10 अता टँगिया झाड़ की जड़ पर राखियो से, जेना-जेना झाड़ साजरो फर नही आना से, उ कापो अना स्तो मा झोको जाहेत।11 मि ता तुमी ला पानी लक “पाप लक मन हटाव को बप्तिस्मा देवासेउ, पर जोन मोरो मंघा आवन वालो से, उ मोरो लक ताकतवर से, मि ओको सेन्डिल उचलन को लाईक नही सेऊ। उ तुमला पवीतर आतमा अना स्तो लक बप्तिस्मा देहे। ओको सुपड़ो, ओको हात मा से, उ आपरो खरीयान साजरो लक सफा करेत। अना आपरो गहुँ ला आपरो ढोला मा जमा करेत पर भुसा ला ओना स्तो मा पेटाहे जोन कबच नही झिझाहेत।”
यीसु को बप्तिस्मा
(मरकुस 1:9-11; लूका 3:21-22; योहन 1:31-34)
ओना बेरा मा यीसु ना गलील छेतर लक, यरदन नदी को किनार मा, योहन लक बप्तिस्मा लेवन वोको जवर आयो। पर योहन यो सांगके, ओला रोकन लग्यो “मोला ता तोरो हात लक, बप्तिस्मा लेवनो से, अना तु मोरो जवर आयीसेस”
यीसु ना ओला जवाब देइस “अबा ता असो च होवन दे, काहे की आमी ला येना रित लक सबच धरम-करम ला पूरो करनो से।” तबा योहन, यीसु को गोस्टी ला मान लेइस।
जसोच यीसु बप्तिस्मा लेइस, त वसोच बाहेर आयो तबा वोको लई सरग को किवाड़ उघड़ गयो, अना वरता लक12 परमेस्वर को आतमा ला परेवा को जसो आपरो वरता उतरता चोइस। अना सरग लक आवाज आयकु आई “यो मोरो चहेतो टूरा से, जेना लक मि सब लक ज्यादा खुस सेव।” 13
Source notes (13)
- Footnote जसो यीसु मारो गयो गाड़ो गयो, जिंदो भयी गयो वसोच पानी मा बुड़नो मन्जे यीसु को संग मरनो अना बुड़ के हीटनो मन्जे यीसु जसो जिन्दो भयो वसोच पाप को लाय मरके नेकी करन को लाय जिंदो होवनो।
- Cross-reference मत्ती 4:17; मरकुस 1:15
- Footnote परमेस्वर की महिमा
- Footnote सड़क
- Cross-reference यसायाह 40:3
- Cross-reference 2 राजा 1:8
- Footnote यहूदी गिनको सुद्ध होवन को एक नियम सेत। जोनमा पानी मा आपरो पाप ला मानके डुबकी लगावनो पड़ासेत।
- Cross-reference मत्ती 16:1; 11:12; 23:13-36
- Footnote साजरो काम करो।
- Cross-reference योहन 8:33
- Cross-reference मत्ती 7:19
- Footnote बादल अलग होवना
- Cross-reference मत्ती 12:18; 17:5; मरकुस 9:7; लूका 9:35
सत मारग पर चलन वारो किताब. Copyright © 2023 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.