सत मारग पर चलन वारो किताब
पेरीत 6
सात सेवक गीन ला चुननो
काही दिवस को मघा जबा चेला गीन की गिनती बढत होती। ता यूनानी बोलनवारा बिस्वासी, अना इबरानी बोलन वारा यहुदी बिस्वासी, मा एक बैस भई गई। काहेका युनानी बोलनवारा यहुदी बिस्वासी यो दावा करत होतिन का उनको बेवागिन ला रोज को जरुरत को चीजगिन ला बाटनो मा अनदेखयो करत होतिन। ता बारा पेरीतगिन ना चेलागीन को सारो मन्डली ला एक संग हाकलके कहीस, “आमरो लाय, परमेस्वर को बचन की सेवा ला सोड़, जेवन अना रुपिया को बरताव कन धियान देवनो साजरा नाहती।” ता भाऊगिन साजरा नाव वारा, पवितर आतमा अना सूझबुझ लक भरयो, सात मानूस ला आपरो मा लक बेच लेव, अमी उनला यो काम को अधिकारी बना देबिन। अना अमी आपरो आपला पिराथना अना वचन को सेवा, को काम लगायो राखबिन।
यो सुझाव लक सबरी मन्डली लगत खुस भय गईन। ता उनना बिस्वास अना पवितर आतमा लक भरयो, स्तिफनुस नाव को मानूस ला, अना फिलिप्पुस, प्रोखरुस, निकानोर, तीमोन, परमिनास अना अन्ताकिया-निवासी जोन यहुदी बन गयो होतो निकोलास ला बेचयो। अना इन लोकगिन ला उनना पेरीतगिन को पुड़ा हाजिर कर दियो अना पेरीतगिन पिराथना करके उनला नियुक्त करीन।
असो परमेस्वर को गोस्टी लगातार याजक गिनको एक मोठो समहु भरोसा मानन लगीन। अना येरुसलेम नगर मा चेला गीन की गिनती लगत बढगइ।
स्तिफनुस ला बँदी बनावनो
स्तिफनुस दया अना ताकत लक पूरो पक्को होयके लोक गीन को बीच मोठो-मोठो अचँभा काम अना चिन्हान देखावत होतो। पर नाव को लाय अजाद करीयो गयो, यहुदि लोकगीन को सभाघर को काही लोक, जोन कुरेनी अना सिकन्दरिया अना किलिकिया आसिया प्रांत लक आयो यहुदी होतीन, वय स्तिफनुस को बिरोध मा वाद विवाद करन लगीन। पर वा आतमा जोन लक उ गोस्टी करत होतो, अना वोको अक्ल को पुढा वय नही ठैयर सकिन। मंग उनना काही लोक गीन ला लोभ देके कहलवायो। हमिना मोसे अना परमेस्वर को बिरोध मा एला बेज्जती को गोस्टी करता आयकासेजन। असो परकार उनना लोकगीन को मोठो सयानागीन, यहुदी नेतागिन, अना मोसे को नियम को गुरूगीन, ला भड़कायो। मंग उनना आयके वोला धर लेइन अखिन वोला घसीटके यहुदी मोठी सभा को पुड़ा आनीन। अना उनना खोटो गवाही पेस करीन, जेनना कहिन का यो मानूस हरामेसा आमरो पवीतर मंदिर को बिरोधमा, अना मोसे को नियम गिरंथ को बिरुधमा कव्हसेस। काहेका हमिना वोला यो कव्हतो आइकेसेजन, का यो नासरत को यीसु यो मंदिर ला नास कर देहेत। अना आमरो रिति रिवाज ला बदल देहेत, जोनला मोसे ना अमिला देइसेस। तबा सबा लोक जोन महासभा मा बसयो होतिन, वोला धियान लक चोविन। ता उनला कोनी सरगदूत को तोन्ड जसो चोविस।
सत मारग पर चलन वारो किताब. Copyright © 2023 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.