सत मारग पर चलन वारो किताब
1 कुरिन्थियो 13
माया
मोला दुनिया को सबा भासा आवा सेत, अना सरगदूत को भासा भी आवा सेत। अना मोरो भीतर पिरेम नाहती तो मोरो बोलनो पितर को झनकार जसो सेत। अदी मोरो जवर पेरीत जसो उपदेस देवन को वरदान सेत। मोला सबा परकार को गियान हो सका सेत, अना सबा राज की गोस्टी समजनो असान सेत। पहाड़ ला हटान को बिस्वास सेत। पर पिरेम नाहती तो काही नाहती। अदी मी आपरो धन कंगालगिन ला दे देऊ, अना आपरो देह ला जलन काजी दे दू अना माया नही राखू तो काही फायदा नाहती।
माया सहन करनवारा सेत अना दयालू सेत। माया न तो जलन करासेत ना डीग हाका सेत ना गरब करा सेत। माया सोभा नही देवनवारा बेवहार नही करा सेत। उ आपरो सुवारत नही ढूढा सेत। माया न तो हिजड़ा सेत अना बुराई को गिनती नही राखा सेत। उ अन्याय लक नही, पर सच्चो चाल लक खूस होवासेत। उ सबा काही ला ढाँक देसे, सबा काही पर भरोसा ठेवा सेत। सबा काही को आस राखासेत, अना सबा सह लेवा सेत।
भविस्यवानी चली जाहेत भासा मुका हो जाहेती। अना गियान मीट जाहेती, पर माया को अन्त नाहती। काहेकी आमरो गियान, अना आमरो भविस्यवानी अधूरो सेत। अना जबा पूरो आय जाहे, तो जोन पूरो नाहती वा मिट जाहेती।
जबा मी लेकरा होतो तो मी लेकरा बारा जसो बिचार करत होतो। लेकरा जसो होतो अना वसोच समज होती। पर जबा मी सियानो बन गयो, तो लेकरा जसो गोस्टी छोड़ दियो। अबा अमीला आरसा मा धुधरो-धुधरो चोवा सेत पर वोना बेरा तहताज चोवबिन। अबा तो मोरो गियान अधूरो सेत, पर तबा मी वसोच पूरो लक जानीन, जसो परमेस्वर मोला जानिसेस।
पर अबा भरोसा, आस, माया यो तीन हमेसा रव्हेत, पर यो सबा लक मोठो पिरेम सेत।
सत मारग पर चलन वारो किताब. Copyright © 2023 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.