Kadede Kap Pjam Akan
Pjalm 26
IEOWA kom kotin jauaja ia, pwe I kekeit wei ni melel, I kin liki Ieowa, i jota pan luetala
Main kom kotin kajaui ia da o kajonejon ia, o kamakelekele mudilik I kan o monion i.
Pwe I aja duen omui kalanan, o I kin weweid ni omui melel.
I jota kin mondi ren aramaj aklapalap akan, o I jota kin waroki on me morjued akan.
I kin tataki pokon en mejued akan, o i jota kin mondi ren me japun kan.
I omiomi ki makelekel o i kin pok on japwilim omui pei jaraui, Main, Ieowa.
Waja I pan kapikapina, nil laudeta o padak duen omui manaman akan karoj.
Main Ieowa, I kin pok on wajan tanpaj omui, o wajan ar linan.
Kom der kotin kajapoke ia la ianaki me dipan akan, de maur I ianaki me kamela aramaj akan.
Pwe pa arail me dir en morjued o re ki men ale kijakij.
A nai kin weweid ni makelekel. Dore ia la o kotin maki on ia!
Na I kin aluwei pun. I pan kapina Ieowa nan momodijo kan.
Kadede Kap Pjam Akan. Public domain. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · SourceEdition imported 2026-10-25.