Kadede Kap Pjam Akan
Pjalm 148
KOMAIL kapina Ieowa nanlan, kapina i nan waja ileile!
Komail japwilim a tounlan, karoj kapina i, komail japwilim a men en kadar karoj, kapina i!
Koma katipin o jaunipon, kapina i, o komail uju piripir karoj, kapina i!
Komail lan pokon, o pil komail pil akan pon ira pan lan, kapina i!
Irail en kapina mar en Ieowa, pwe a me kotin panok, ap miala.
Ap kotiki on ir, ren mimieta kokolata, o kotiki on ir kujoned eu, me re jota pan kawela.
Toun jappa, kapina Ieowa, walroj o man akan karoj, o pil en madau kan karoj.
O kijiniai, o akel, o jno, o tokoi, o melimel, me kin kaloki jili a kujoned akan.
Komail nana o dol akan karoj, tuka me wa mau o jeder karoj.
Man laualo o mand akan karoj, man korop o manpir akan.
Komail nanmarki en jappa o wei kan karoj, jaupeidi o jaunkadeik kan.
Manakap o peinekap, me ma o jeri kan.
Irail karoj en kapina mar en Ieowa; pwe i eta mar, me lapalap, a manaman mi pon anin jappa o lan.
A kotin jauaja oj en japwilim a kan. Japwilim a lelapok kan en kapina i, kadaudok en Ijrael, iei wei, me kin upa i. Aleluia!
Kadede Kap Pjam Akan. Public domain. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · SourceEdition imported 2026-10-25.