Kadede Kap Pjam Akan
Pjalm 146
EN i kapina Ieowa!
I pan kapina Ieowa arain ai maur, i pan kauleki pjalm akan on ai Kot arain maur i.
Der kaporoporeki jaupeidi kan, pwe irail aramaj o jota kak jauaja.
Pwe nen en aramaj udan a pan kokola, o a pan pur on wiala pwel, i rah ota a jolar kak madamadaua meakot.
Meid pai me jauaj parail Kot en Iakop, me kin kaporoporeki Ieowa a Kot.
Me kotin kapikadar lan o jappa, o madau, o audeparail karoj, me kin melel potopot eta.
Me kotin jauaja pun en me lodi on kalokolok mal, me kamana me men manadar. Ieowa kin kotin lapwada me jalidi kan.
Ieowa kin kotin kapad pajan maj en me majkun akan. Ieowa kin kotin kainjenemaula me mauk; Ieowa kin kotin pok on me pun kan.
Ieowa kin kotin jinjila men wai kan, o jauaja me japoupou o li odi kan, ap kotin kawela al en me doo jan Kot akan.
Ieowa iei Nanmarki joutuk, om Kot Jion kokolata. Aleluia!
Kadede Kap Pjam Akan. Public domain. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · SourceEdition imported 2026-10-25.