Pjalm 108

1MAIN Kot, monion i kin moleilei; i men kakaul o kakauleki pjalm akan, o pil nen i.

2Koma arp o laute pirida! I pan paurida nin joran.

3I pan kapina komui nan pun en kainok kan, Main Ieowa, o i pan kaule kin komui nan pun en aramaj akan.

4Pwe omui kalanan me laud, ileila jan nanlan, o omui melel lelada won tapok kan.

5Re kotida ponanin nanlan, Main Kot, o omui linan en kipadi jappa.

6Pwe kompoke pamui kan en jaladokala; kom kotin jauajaki pali maun ar, o kotin ereki kit.

7Kot kotin majanier nan japwilim a mol jaraui, i me i peren kida; i pan nek pajan Jikem o jojon jap Jukot.

8Kilead o Manaje iei jap ai, nai kin kaunda Epraim; a iuda iei ai jokon.

9Moap iei ai dal en dud; i kin tiakedi Edom; i pan nijinijiki men Pilijta.

10Ij me pan kalua ia nan kanim teneten eu? Ij me pan ian ia Iel Edom?

11Kaidin komui ai Kot? Komui me kaje kit ala, o jota ian at karij akan. Main Kot.

12Kom kotin ieian kit ni ul apwal akan, pwre en aramaj jauaja jota katepa.

13lanaki at Kot kit pan kapwaiada dodok manaman akan. A pan kotin tiakedi at imwintiti kan.