Old Pohnpeian NT+Psalms
Psalm 24
SAPWILIM en Ieowa sappa o audepa kan, sap o meakaros me kauson poa.
Pwe a kotin pasonedier ni kailan madau, o a kotin wiadar pon pil akan.
Is me pan kodalang pon dol en Ieowa? O is me pan kak uda ni mol en Ieowa saraui?
Me pa a kan sota sapung o mongiong i makelekel; me sota kin mauki padak sapung, o me sota kin kaula likam.
I me pan kamaula ren Ieowa, o a pan pung kila ren Kot a saunkamaur.
I kainok, me kin peiki ong Kot, me kin rapaki silang omui, Kot en Iakop. Sela.
Komail ritingada wanim laud o langada wanim nin sappa, pwe Nammarki lingan en kotilong!
Is Nanmarki lingan men et? I Ieowa roson o manaman, Ieowa me rasong nan mauin.
Komail ritingada wanim laud o langada wanim nin sappa, pwe Nanmarki lingan en kotilong!
Is Nanmarki lingan men et? I Ieowa Sepaot; I Nanmarki lingan. Sela.
Old Pohnpeian NT+Psalms. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.