Lwimbu

Shitatabu sha

LWIMBU LWALUWERA LUHERI

ULONGULERU

Lwimbu lwaluwera luheli ndo shitabu sha shitakulira mafiru ga wantu wa Israeli, iwezekanika shilembitwi na wantu wavuwa. Kwa shiebrania shisoweru ashi 'Lwimbu lwaluwera luheli,' ama mfalumi gwa wafalumi, ndo lwimbu lwana mana kuliku nyimbu zimonga ama mfalumi gwa wafalumi woseri, shitabu shanja kwa kumkanta mfalumi sulemani, kumbiti shitabu ashi shimaniziya kuwera yomberi ndo yakashilembiti, shipandi sha kwanja mstali gwa kwanja. Viravilii shitabu ashi shilembitwi na muntu yumonga su kumpanana ligoya mfalumi Selemani. Wasomi wamaniti kuwera shitabu ashi shilembitwi pakati pa shinja sha miatisa na sabini na miatisa na selasini na moja K.K na shilembitwi kayi weli lishaka limonga.

Shitabu sha lwimbu lwaluwera luheri shitakulira mafiru ga mdala na mpalu, shitabu shoseri shitakulira mpalu na mdala ntambu yawalifira, lishaka limonga maganja walaviya matakulu na kuwera pamuhera mumsambu gwa kuliya, shipandi sha kwanja na mstali gwa nani. Wasomi wavuwa wajimira kuwera mlandu mkulu mushitabu ashi gwa mushipandi sha nani mstali gwa tatu mpaka gwa saba. Mumistali ayi mdala katakula hangu ''ufiru wana makakala handa kuhowa.'' Ufiru ndo shintu shana makakala nentu sheni shiwera mumoyu na sheni shilewelekandiri ndo handa kuhowa. Pamonga ayi ndo mana mdala kabeleziya mala ntatu handa wantu na wimusiya ufiru pamberi pa shaka shakuyi, shipandi sha pili mstali gwa saba na shipandi sha tatu mstali gwa mhanu na shipandi sha nani mstali gwa msheshi. Ufupiziwu wa yagawera amu io Litawu lya shitabu lya mushipandi sha kwanja msitali gwa kwanja io Litawu lya shitabu ashi lilembitwi mushipandi sha kwanja sha lwimbu alu. Shipandi sha kwanja msitali gwa pili mpaka shipandi sha pili msitali gwa saba io Shipandi sha pili sha lwimbu alu. Sha mushipandi sha pili msitali gwa nani mpaka shipandi sha tatu msitali gwa mhanu io Shipandi sha tatu sha lwimbu alu sha mushipandi sha tatu mstali gwa sita mpaka shipandi sha mhanu io Shipandi sha msheshi sha lwimbu alu sha mushipandi sha mhanu msitali gwa pili na shipandi sha sita msitali gwa tatu io Shipandi sha mhanu sha lwimbu alu sha mushipandi sha sita msitali gwa msheshi na shipandi sha nani msitali gwa msheshi.

Shipandi sha sita sha lwimbu alu sha mushipandi sha nani msitali gwa mhanu mpaka shipandi sha nani msitali gwa kumi na nne