Mesali

Shitabu sha

Mesali

Ulonguleru

Shitabu sha Mesali ndo mjojoniku gwa visoweru vya luhala, walemba wavuwa waweriti pamuhera ama washangiliti mushitabu ashi sha visoweru vya luhala, kumbiti mfalumi Selemani, mwana gwa mfalumi Dawudi yomberi ndo yakalembiti mesali zivuwa. Selemani kamanikiti kwa luhala na wafalumi wa kwanja shipandi 4:32 itakulwa yomberi ndo yakalembiti visoweru elufu tatu. Hangu shitabu sha visoweru shilembitwi shaka sha kulikala kwa mfalumi Selemani mukalini ya lilongu pamberi pa Yesu kwiwuka. Vitabu vyavisigaliti vilembitwi na kumalilika shaka Ezekia pakakolitimlima Yuda mushinja sha mia saba kumi na tanu mpaka mia sita semanini na sita pamberi pa Yesu kwiwuka. 25:1. Visoweru vya luhala ndo visoweru vyavitakulira unakaka, kumbiti vya gweka kuliku visoweru vya ntakuliti hantendi na umbuyi, kwa mfanu visoweru vya luhala shipandi 22:6 Gumfundi mwana ntambu yakulikala na yomberi hapeni kalyaluwi njira ayi mpaka ukulu wakuyi. Ata hangu mwana hapakaweri hangu pakakulaku. Visoweru viherepa visindandiri kutendeka ama vya ntambu yingi, mukila mwana yawamleliti munjira yayiweriti teratera, kumbiti ndo utakulu uherepa weni utakulira unakaka woseri. Shitabu sha mesali sheni shiyowelera ntambu yashiwera mshipandi sha 1:2-6. Nfiru ndo kutanga wantu wa ntambu iraayi na wantemba kuvimana luhala na magambiziya maheri na kuwatenda waweri na luhala nentu.

Yagawera amu

Visoweru vya luhala vya Selemani. Shipandi sha 1 mpaka 22:16

Mijojoniru miwili ya visoweru vya luhala. Shipandi sha 22:17-24

Mijojoniru yimonga miwili ya matakulu ga mesali za Selemani. Visoweru avi vyana mahala vijojonilwa na watenda lihengu wa mfalumi Hezekia. Shipandi sha 25 mpaka 29

Matakulu ga Aguri. Shipandi sha 30

Matakulu ga Lemueli. Shipandi sha 31:1-9

Upeleru umtakulira mdala yakana zyuma ziherepa. Shipandi sha 31:10-31