Madaya

Shitabu sha

Madaya

ULONGULERU

Shitabu sha madaya ndo shitabu sha mafunda yagahusu uharibisiwu wa mji gwa Yerusalemu. Mlemba gwa madaya kalimaniziyandiri. Kumbiti walemba wa Shiebraniya na wakilistu wajimira kuwera mbuyi gwa Mlungu Yeremia ndo yakalembiti shitabu ashi, toziya shitabu ashi shiwusu kubomoluwa mji gwa Yerusalemu, sheni shilembwa mushinja sha 586 K.K. Shaka Yerusalemu payibomoluwitwi, kumbiti iwoneka pamberi pa 516 K.K. Shaka Numba ya Mlungu inyawitwi syayi na kulumikwa. Shitabu ashi shitungitwi na kulembwa na muntu yakalikaliti shaka ashi, kuhalibisiwa kwa mji shinja sha 586 K.K.

Shitabu shoseri sha madaya shitakulira hinginika ya wantu wa Yerusalemu. Tembera Yerusalemu ihalibisiwitwi na lishonta lya Babeli, kumbiti mlemba gwa madaya kalembiti kuwera mirandu ayi ilawira toziya Mlungu kankuwatoza wantu wa isi ya Yuda. (Shipandi sha kwanja mstali gwa kumi na mbili). Mlungu kankuwakomanga wantu wa Yuda kupitira Wababeli yawayikankaliti isi yawu ya wantu wa Yuda, kumbiti mlemba gwa madaya kankali kankulihola waminika wa Mlungu. Muhinginika yakuyi kankali kakutakula kuwusu, “Ufiru wa Mtuwa Mlungu yawuwerandiri na upeleru na lusungu lwa Mtuwa lwankali kwendeleya.” (Shipandi sha tatu mstali gwa ishilini na mbili. Mlemba gwa shitabu kamalalira kwa kumluwa Mlungu kawalekiziyi vidoda wantu wa Yuda.

Yagawera amu mumadaya

Mlemba katakulira kuwusu wantu wankuhinginika toziya ya toza ya Mlungu mumaagamiziya mumji gwa Yerusalemu mushipandi sha kwanja na sha pili.

Mlemba kankuhola uwaminika wa Mlungu na kankuluwa utanga mushipandi sha tatu

Mlemba katakulira wantu wa Yuda wankuhinginika toziya ya ntabiku nkulu mushipandi sha msheshi.

Mlemba kamalalira kwa kumluwa Mlungu kalekaziyi mji gwa Yuda shipandi sha mhanu.