Yoshuwa

Shitabu sha

YOSHUWA

ULONGOLERU

Shitabu sha Yoshuwa mwendelezu gwa Histoliya ya isi ya Israeli pa maholu ga Lagiru kupera, wantu wa Israeli wanjiti mwanja uwega wa kwaguzyeta mshenji mwa lushemba lwa Yoridani, shitabu sha Yoshuwa shitakulira ntambu gaa wapititi mumbeku mwa lushemba Yoridani na kusoka mulitapaka lya kanani pawalonguziwa na Yoshuwa yakamhaliti Musa. Katenda hangu toziya Mlungu kamlagaliriti Musa. Amu Mlungu kafaniziyiti shakalongiti shakuwapanana litapaka kanani ya wiwuka Ibrahimu (Lyanjiru 12:7). Imanika ndiri handa kalembiti shitabu sha Yoshuwa shaka ashi mlemba kulonga handa kwaniti malawiru gavuwa gakola lupenu (kwa mfanu Yoshuwa 5:1-6) Toziya ayi wana wavuwa wakushuli wajimira kuwera Yoshuwa kalembati vintola viwuwa mweni, hangu twana nakaka kwahera yumonga kalembiti vitabu avi gambira Yoshuwa kulemba nakala, handa shiwembu na kufindira. Yoshuwa 24: 29 wafundwa wamonga wajimira handa shitabu ashi shilembitwi mushinja sha 800 pa lilawiru kulawira. Lilawiru lya shintola sha Yoshuwa shilawiriti mushaka sha 1250 B.C. Sheni shitoliti mivinja 40 pa Rameki kulonguziya Mumisri Rameki kaweriti mfalumi mweni kaweriti kawalonguziya shaka Waisraeli pawaweriti wankulawa Misri (Kulawa 1:11)

YAGAWERAAMU

Shipandi sha 5:12 Shitakulira wana wa Israeli walokiti lushemba Yoridani na kwingira mpaka mulitapaka lya Kanani.

Viraa shipandi sha 5:13 mpaka 12 shitakulira Waisraeli wasoka Kanani.

Shimonga shipandi sha 13 mpaka 12 shitakulira ntambu gaa lipatanu lya Kanani libagulika muwamu mwa likabila lya israeli.

Upeleru shipandi sha 22 mpaka 24 shitakulira ntambu gaa muwamu mwa likabila lya Israeli liweriti kwagulawa mshenji mwa lushemba lwa Yoridani, Visoweru vyakuyi vya upeleru vya Joshuwa kwa Isi, kuhowa na kufindirwa kwakuyi pamuhera na wana wa Israeli ntambu yawanemeleriti maholu ga lipatanu lyawu na Mlungu.