Habakuki

2 SHITABU SHA

1 HABAKUKI

Ulongoleru

Shitabu ashi shana umbuyi wa Habakuki, shitabu sha Habakuki shilifanandiri na vitabu vimonga vya umbuyi, toziya shahera ulagilagi yawugenditi kwa Israeli ama Yuda gweka yakuyi, badala yakuyi shana malalamiku mawili na luwa ya Habakuki. Viraa Mlungu kankula malalamiku gakuyi. Wabetula waliholiti handa Habakuki kalikaliti shaka shimu na Yeremia na shaka sha ukolamlima wa mfalumi Yosiya na mfalumi Yehoyakimu. Shitabundiri sha Habakuki ama shitabu shimonga shoseri sha bibiliya sheni shitakula shaka Habakuki kalikaliti ndii.

Kwanja Habakuki kamlalamikiliti Mlungu pakawoniti mirandu ayi yitendeka muisi ya Yuda. Mlungu kankuliti kwa kutakula handa kaweriti kawatenda Wababeri wawaagamiziyi Wayuda, shakapanu Habakuki kalalamikiti handa Mlungu kaweriti kawatendera wantu wakontola kuwakomanga walii yawaweritindiri wakontola nentu, Mlungu kankuliti kwa kulonga kuwera ata awa Wababeri hawatozwi, shakapanu Habakuki kamluwa Mlungu, su kawalanguziyi lusungu, kamkwisiti Mlungu kwa mirandu mikulu yakayitenditi kumberi aku.

YAGAWERAAMU

Malalamiku ga kwanja ga Habakuki shipandi sha 1:1-4.

Lyakulu lya kwanja lya Mlungu shipandi sha 1:5-11.

Malalamiku ga pili ga Habakuki shipandi sha 1:12-2:1.

Lyankulu lya pili lya Mlungu shipandi sha 2:2-20.

Maluwa ga Habakuki kwa Mlungu shipandi sha 3.