Esta

SHITABU SHA

ESTA

Ulongoleru

Shitabu sha Esta shitakulira ntambu gaa Waisraeli waweriti wamanda aku Perisia na ntambu yawalopolitwi kulawa kwa mnkondu yakafiriti kuwalaga. Tembera litawu lya Mlungu likantitwindiri mushitabu sha Esta, handa Mlungu kawalopoliti kulawa kumlandu agu gwa kuwalaga womberi. Kwahera muntu yakalembiti shitabu sha Esta, kwa kulola ntambu ya luga ya Shiebrania yayitenderitwi. Wabetula wavuwa walihola handa shitabu sha Esta shirembwa mushinja sha miya na msheshi pamberi pa Kristu kwiwuka.

Malawiru yagatakulwa mushitabu ashi sha Esta galanguziya msambu gwa Wayahudi yagushemwa Purimi ntambu yagwanjiti. Muntu yumu gwa Amaleki yakamanikiti kwa litawu lya Hamani katenditi mpangu gwa kuwalaga Wayahudi. Toziya Waisraeli na Waamaleki waweriti na unkondu kwanjira Waisraeli pawanjiti mwanja kushiwala mpaka kusoka kuisi irii Mlungu kawagambiriti hakawapanani. (Kul 17:8-16). Shaka shiraashi Hamani kapangiti kuwalaga Wayahudi, Esta yakaweriti Myahudi kaweriti malikiya gwa Perisia. Na Modekayi yakaweriti mlongu gwakuyi Esta kampananiti ugambiziya wa mpangu gwa Hamani. Pa Wayahudi kuwakanka wankondu wawu Esta 9:20-22, Modekai kawagambiriti wantu wakuyi wanemeleri ukanka awu. Hangu ndo Wayahudi ntambu yawanjiti kutenda msambu gwa Purimu.

Yagaweramu

Esta ntambu yakaweriti malikiya gwa Perisia mushipandi sha kwanja mpaka shapili.

Mpangu gwa Hamani gwa kuwalaga Wayahudi na ntambu yakalagitwi kwa kutenda hangu mushipandi sha kwanja na shapili.

Wayahudi ntambu yawawakankiti wankondu wawu na kwanja kutenda msambu gwa Purimu shipandi sha kwanja na shapili.