Mbwera

Shitabu sha

Mbwera

ULONGULERU

Shitabu ashi sha mbwera shifunda luhala lwalufaa kwajili ya makaliru. Mana ya litawu lya shitabu ashi sha mbwera kwa Shieblaniya ndo “Muntu yakajojinira wantu.” Mfalumi Sulemani kalikala pakati pa vinja mia tisa sabini na mia tisa salasini na moja K.K, su itakulilwa kuwera shitabu ashi shilembitwi vinja avi, kumbiti wasomi wamonga wajimiliti kuwera ilembitwi na wafalumi wamu. Toziya luga yayitendiritwi iweriti ya wantumintumi kumbiti yawafalumi ndiri (mbwera 5:8-9). Wasomi wajimiranitindiri kuwera shitabu ashi sha mabweru shilembitwi vinja vivuwa shakapanu, pakati pa vinja mia nne na mia mbili K.K.

Mbwera kanja kwa kutakula handa kila shintu sha pasipanu. Ndo handa lyega lyalipita vumu na kwagamira kalongola. Shipandi sha kwanja mstali gwa pili. Ayi yana mana kuwera makaliru getu na lihengu lyetu ndo vintu vya katepu hera na ikamala kuvimana, kumbiti viraa ilanguziya ntambu yayiweriti ikamala kwa twenga kuvimana mirandu ayi. Mavuwa yagahusu makaliru na mahengu getu hagawaluwi shaka shifupi nentu. Mngati mwa shitabu ashi tulifunda kuwona handa gavuwa yagawusu makaliru na mahengu getu gawera kunja kwa uweza wa twenga wa kukolamlima mirandu. Handa ndo iherepa nentu. Su kuyijimira mirandu yoseri yayiwera na kuwera itosiya kulipanana nemeru kulawirana na virii hera vyatuwera navi shipandi sha tisa mstali gwa tisa. Shitabu ashi shimalira kwa kutakula mumakaliru kwana makamala na nemeru, shintu sha mana ndo kumguwira Mlungu na kujimira lagiru zakuyi. Shipandi sha kumi na mbili na mstali gwa kumi na tatu.

Ufupiziwu wa yagawera amu

Shitabu sha mbwera shimmaniziya mlemba gwa shitabu na umani wakuyi umonga mumakaliru. Mstali gwa kwanja mpaka gwa kumi na moja mushipandi sha kwanja

Shitabu ashi shitakulira mana ya makaliru. Mushipandi sha kwanja mstali gwa kumi na mbili mpaka shipandi sha sita mstali gwa tisa.

Viravilii mfunda kalaviya mabeleziwu mu shipandi sha sita mstali gwa kumi mpaka shipandi sha kumi na mbili mstali gwa nani.

Kumguwira Mlungu na kukola lagiru zakuyi. Ipelera mushipandi sha kumi na mbili mstali gwa tisa mpaka gwa kumi na msheshi.