Wafalumi

Shitabu sha pili sha

Wafalumi

ULONGULERU

Vitabu vya Wafalumi 1 na 2 shanjiru shimu shikulu kumbiti shibagulwa wega mbili, makashu kwa visoweru vya shigiliki, shitafusiliwa handa lipatanu ligona. Imanika ndili handa gaa kavilembiti vitabu vya wafalumi 1 na 2 mlemba gwa shitabu sha wafalumi katenderiti vinja vivuwa kushimalira shitabu ashi. Guloli 1 wafalumi 11: 41 na 14: 19 na 14: 29 kwa mfanu gumu viraa tuvimanandili shitabu ashi shilembitwi koshi ama shimalilitwi ndii, tulihola kuwera shilembitwi pa mfalumi Yehoniya pa kuleka ukulu mu shinja sha 561 B.C, toziya lilawiru ali litakula mu 2 wafalumi 25: 27. Wafunda wavuwa viraa wavimaniti shipandi shikulu sha vitabu avi vilembitwi vinja vivuwa vya makashu. Vitabu vya 1 mfalumi na 2 mfalumi shiyowelera kuusu kila mfalumi gwa Israeli na Yuda kulawa shaka sha mfalumi Sulemani, shaka shilii isi mbili ziweriti pamuhela, shitabu ashi shitakulira ntambu ya kubagulwa kwa Liboma lya mfalumi na kubagulwa kwa histoliya ya isi mbili mpaka kukangalwa na kukolwamlima kwa isi imonga. Walemba walola kila mfalumi na matendu gakuyi na Mlungu na yawamfata Mlungu ama yawamfatandiri Mlungu. Wafalumi wamu wamfata Mlungu ntambu yakafira 2 wafalumi 18: 3 wamonga watenda vidoda kwa Mlungu 2 Wafalumi 21: 2 panu walema katakulira weli kwa wafalumi walii yawamkanta Mlungu na yawamfata Mlungu ntambu yakawapanana mpatiru. Toziya waweliti wamjimira Mlungu nentu 2 wafalumi 17:7, tufunditi handa Israeli waweliti wawingwa.Toziya Waisraeli waweriti watenda vidoda kwa Mlungu na womberi waweliti waguwira wamlungu wamonga,

YAGAWERAAMU

Shiyowelera kuusu upeleru wa ukolamlima wa Eliya wafunda na mhala Elisha. Shipandi 1-8:15

Tulifunditi wafalumi wa gweka wa Israeli na Yuda viraa kuwingwa kwa Waisraeli. Mushipandi 8:16-17

Shiyowelera kuleka ukolamlima kwa Hezekia, mfalumi gwa Yuda na ntambu yakamfatiti Mtuwa Mlungu. Shipandi 18-20

Shiyowelera makaliru ga upeleru ga mfalumi gwa Yuda na ntambu gaa Yuda ikangalitwi na kujegerwa kuuhamisiwu aku Babeli. Shipandi 21-25