2 Mirandu

Shitabu sha

Mirandu ya shaka

ULONGULERU

Shitabu sha 1 na sha 2 sha Mirandu ya shaka shibagula vipinga vya wazewi kwanjira Adamu mpaka Ibrahimu na ntambu ya yanjiti isi ya wantu wa Israeli mpaka Waisraeli pawawuyiti kulawa muuhamisiwu kwawatolitwi kuwera wamanda. Kwanjira shaka ashi Mirandu ya shaka shitakulira historia ya wantu wa Israeli kulawa kumalilira mirandu ya mfalumi Sauli mpaka mji gwa Yerusalemu paguhalibisiwitwi na wantu wa Babeli. Muvitabu vyoseri avi vya Mirandu ya shaka, mlemba katakulira nentu kuusu mirandu ya numba nkulu ya Mlungu aku Yerusalemu. Dawudi katanditi vintu vivuwa toziya ya kunyawa numba nkulu ya Mlungu (1 Mirandu ya shaka 28-29) Na kulawa panu Selemani mwana gwa Dawudi ndo yakanyawiti (2 Mirandu ya shaka 2-7). Mlemba gwa Vitabu vya Mirandu ya shaka katakulira ntambu yayihalibisitwi numba nkulu ya Mlungu na vyombu vyakuyi ntambu yavitolitwi (2 Mirandu ya shaka 36:15-21). Upeleru wa msitari gwa shitabu sha 2 Mirandu ya shaka (36: 23) ilanguziya pota kufifa numba nkulu ya Mlungu ntambu hayinyawiwi kayi.

Yagaweraamu mushitabu sha 2 Mirandu ya shaka:

Shipandi 1-9 shitakula kuusu kulikala na ukolamlima wa Selemani, mfalumi gwa Israel.

Shipandi 10-36 shitakulira isi ya Israeli na Yuda ntambu yayibagulitwi, viravilii itakulira stoliya ya wafalumi ntambu yawakolitimlima Yuda kulawa shaka ashi mpaka ukolamlima pawukankalitwi.