2 ਥੱਸਲੁਨੀਕੀ

ਥੱਸਲੁਨੀਕੀਆਂ ਨੂੰ ਦੂਜੀ ਪੱਤ੍ਰੀ

ਲੇਖਕ

1 ਥੱਸਲੁਨੀਕੀਆਂ ਦੀ ਤਰ੍ਹਾਂ, ਇਹ ਪੱਤ੍ਰੀ ਪੌਲੁਸ, ਸੀਲਾਸ ਤੇ ਤਿਮੋਥਿਉਸ ਵੱਲੋਂ ਹੈ। ਇਸ ਪੱਤ੍ਰੀ ਦੇ ਲੇਖਕ ਨੇ 1 ਥੱਸਲੁਨੀਕੀਆਂ ਅਤੇ ਬਾਕੀ ਪੱਤ੍ਰੀਆਂ ਦੇ ਤਰੀਕੇ ਦੀ ਵਰਤੋਂ ਕੀਤੀ ਸੀ, ਜਿਸ ਤਰੀਕੇ ਨਾਲ ਪੌਲੁਸ ਲਿਖਦਾ ਸੀ। ਇਹ ਦਰਸਾਉਂਦਾ ਹੈ, ਕਿ ਪੌਲੁਸ ਇਸ ਪੱਤ੍ਰੀ ਦਾ ਮੁੱਖ ਲੇਖਕ ਸੀ। ਸੀਲਾਸ ਅਤੇ ਤਿਮੋਥਿਉਸ ਨੂੰ ਨਮਸਕਾਰ (2 ਥੱਸ 1:1) ਵਿੱਚ ਸ਼ਾਮਿਲ ਕੀਤਾ ਗਿਆ ਹੈ। ਬਹੁਤ ਸਾਰੀਆਂ ਆਇਤਾ ਵਿੱਚ, ਉਹ “ਅਸੀਂ” ਕਰਕੇ ਲਿਖਦਾ ਹੈ, ਜੋ ਇਹ ਦਰਸਾਉਂਦਾ ਹੈ ਕਿ ਉਹ ਤਿੰਨੋਂ ਸਹਿਮਤ ਸਨ। ਇਹ ਪੱਤ੍ਰੀ ਪੌਲੁਸ ਦੇ ਹੱਥੋਂ ਨਹੀਂ ਲਿਖੀ ਗਈ ਸੀ, ਕਿਉਂਕਿ ਉਸ ਨੇ ਸਿਰਫ਼ ਆਖ਼ਰੀ ਨਮਸਕਾਰ ਅਤੇ ਪ੍ਰਾਰਥਨਾ ਆਪਣੇ ਹੱਥ ਤੋਂ ਲਿਖੀ (2 ਥੱਸ 3:17)। ਅਜਿਹਾ ਲੱਗਦਾ ਹੈ ਕਿ ਪੌਲੁਸ ਨੇ ਇਹ ਪੱਤ੍ਰੀ ਸ਼ਾਇਦ ਤਿਮੋਥਿਉਸ ਜਾਂ ਸੀਲਾਸ ਤੋਂ ਲਿਖਵਾਈ ਸੀ।

ਤਾਰੀਖ਼ ਅਤੇ ਲਿਖਣ ਦਾ ਸਥਾਨ

ਇਹ ਪੱਤ੍ਰੀ ਲਗਭਗ 51-52 ਈ. ਦੇ ਵਿਚਕਾਰ ਲਿਖੀ ਗਈ।

ਪੌਲੁਸ ਨੇ ਕੁਰਿੰਥੁਸ ਵਿੱਚ 2 ਥੱਸਲੁਨੀਕੀਆਂ ਦੀ ਪੱਤ੍ਰੀ ਨੂੰ ਲਿਖਿਆ, ਜਿੱਥੇ ਉਸਨੇ 1 ਥੱਸਲੁਨੀਕੀਆਂ ਦੀ ਪੱਤ੍ਰੀ ਵੀ ਲਿਖੀ ਸੀ।

ਪ੍ਰਾਪਤ ਕਰਤਾ

2 ਥੱਸਲੁਨੀਕੀਆਂ 1:1 “ਥੱਸਲੁਨੀਕੀਆਂ ਕਲੀਸਿਯਾ“ ਦੇ ਮੈਂਬਰਾਂ ਨੂੰ ਥੱਸਲੁਨੀਕੀਆਂ ਦੀ ਪਹਿਲੀ ਪੱਤ੍ਰੀ ਦੇ ਪਾਠਕਾਂ ਦੇ ਤੌਰ ਦਰਸਾਉਂਦੀ ਹੈ।

ਉਦੇਸ਼

ਇਸ ਦਾ ਉਦੇਸ਼ ਪ੍ਰਭੂ ਦੇ ਦਿਨ ਬਾਰੇ ਗਲਤ ਸਿਧਾਂਤਾਂ ਨੂੰ ਠੀਕ ਕਰਨਾ ਸੀ। ਵਿਸ਼ਵਾਸੀਆਂ ਦੀ ਤਾਰੀਫ਼ ਕਰਨ ਲਈ ਅਤੇ ਵਿਸ਼ਵਾਸ ਵਿੱਚ ਦ੍ਰਿੜ੍ਹ ਰਹਿਣ ਲਈ ਉਨ੍ਹਾਂ ਨੂੰ ਉਤਸ਼ਾਹਿਤ ਕਰਨ ਲਈ ਅਤੇ ਉਹਨਾਂ ਲੋਕਾਂ ਨੂੰ ਝਿੜਕਣ ਲਈ ਜਿਨ੍ਹਾਂ ਨੇ ਸਵਰਗ ਦੇ ਵਿਖੇ ਆਪਣੇ ਹੀ ਗਲਤ ਵਿਚਾਰਾਂ ਤੋਂ ਧੋਖਾ ਖਾ ਕੇ ਇਹ ਵਿਸ਼ਵਾਸ ਕਰ ਲਿਆ ਕਿ ਪਰਮੇਸ਼ੁਰ ਦਾ ਦਿਨ ਆ ਚੁੱਕਾ ਹੈ, ਇਸ ਲਈ ਪ੍ਰਭੂ ਦਾ ਆਉਣਾ ਛੇਤੀ ਹੀ ਹੋਵੇਗਾ ਅਤੇ ਆਪਣੇ ਲਾਭ ਲਈ ਇਸ ਸਿਧਾਂਤ ਦੀ ਦੁਰਵਰਤੋਂ ਕਰਨੀ ਸ਼ੁਰੂ ਕਰ ਦਿੱਤੀ ਸੀ।

ਵਿਸ਼ਾ-ਵਸਤੂ

ਆਸ਼ਾ ਵਿੱਚ ਰਹਿਣਾ

ਰੂਪ-ਰੇਖਾ

1. ਨਮਸਕਾਰ — 1:1, 2

2. ਮੁਸੀਬਤਾਂ ਵਿੱਚ ਦਿਲਾਸਾ — 1:3-12

3. ਪਰਮੇਸ਼ੁਰ ਦੇ ਦਿਨ ਸੰਬੰਧੀ ਵਿਚਾਰਾਂ ਵਿੱਚ ਸੁਧਾਰ ਕਰਨਾ — 2:1-12

4. ਉਹਨਾਂ ਦੀ ਮੰਜ਼ਿਲ ਦੇ ਵਿਖੇ ਯਾਦ ਦਿਲਾਉਣਾ — 2:13-17

5. ਵਿਹਾਰਕ ਮਾਮਲਿਆਂ ਬਾਰੇ ਉਪਦੇਸ਼ — 3:1-15

6. ਆਖਰੀ ਨਮਸਕਾਰ — 3:16-18