1 ਤਿਮੋਥਿ

ਤਿਮੋਥਿਉਸ ਨੂੰ ਪਹਿਲੀ ਪੱਤ੍ਰੀ

ਲੇਖਕ

ਇਸ ਪੱਤ੍ਰੀ ਦਾ ਲੇਖਕ ਪੌਲੁਸ ਹੈ, 1 ਤਿਮੋਥਿਉਸ ਸਪੱਸ਼ਟ ਤੌਰ ਤੇ ਦਰਸਾਉਂਦਾ ਹੈ ਕਿ ਇਹ ਪੱਤ੍ਰੀ ਰਸੂਲ ਪੌਲੁਸ ਦੁਆਰਾ ਲਿਖੀ ਗਈ ਸੀ “ਪੌਲੁਸ, ਜਿਹੜਾ ਸਾਡੇ ਮੁਕਤੀਦਾਤਾ ਪਰਮੇਸ਼ੁਰ ਅਤੇ ਸਾਡੀ ਆਸ ਪ੍ਰਭੂ ਯਿਸੂ ਮਸੀਹ ਦੀ ਆਗਿਆ ਅਨੁਸਾਰ ਉਸਦਾ ਰਸੂਲ ਹਾਂ।“ (1 ਤਿਮੋਥੀ 1: 1) ਪਹਿਲੀ ਕਲੀਸਿਯਾ ਨੇ ਸਪੱਸ਼ਟ ਰੂਪ ਨਾਲ ਇਸ ਨੂੰ ਪੌਲੁਸ ਦੀ ਪੱਤ੍ਰੀ ਦੇ ਰੂਪ ਵਿੱਚ ਸਵੀਕਾਰ ਕੀਤਾ।

ਤਾਰੀਖ਼ ਅਤੇ ਲਿਖਣ ਦਾ ਸਥਾਨ

ਇਹ ਪੱਤ੍ਰੀ ਲਗਭਗ 62-64 ਈ. ਦੇ ਵਿਚਕਾਰ ਲਿਖੀ ਗਈ।

ਜਦੋਂ ਪੌਲੁਸ ਤਿਮੋਥਿਉਸ ਨੂੰ ਅਫ਼ਸੁਸ ਵਿੱਚ ਛੱਡਿਆ ਤਾਂ ਉਹ ਮਕਦੂਨਿਯਾ ਵੱਲ ਚਲਾ ਗਿਆ। ਉੱਥੇ ਹੀ ਉਸ ਨੇ ਇਹ ਪੱਤ੍ਰੀ ਲਿਖੀ (1 ਤਿਮੋਥਿਉਸ 1:3; 3:14, 15)।

ਪ੍ਰਾਪਤ ਕਰਤਾ

ਪਹਿਲੀ ਤਿਮੋਥਿਉਸ ਦੀ ਪੱਤ੍ਰੀ ਦਾ ਇਹ ਨਾਮ ਇਸ ਲਈ ਹੈ, ਕਿਉਂਕਿ ਇਹ ਤਿਮੋਥਿਉਸ ਨੂੰ ਹੀ ਲਿਖੀ ਗਈ ਹੈ, ਜੋ ਕਿ ਪੌਲੁਸ ਦੇ ਸਫ਼ਰ ਦਾ ਸਾਥੀ ਅਤੇ ਉਸ ਦੀਆਂ ਮਿਸ਼ਨਰੀ ਯਾਤਰਾਵਾਂ ਦੇ ਦੌਰਾਨ ਉਸ ਦਾ ਸਹਾਇਕ ਸੀ। ਤਿਮੋਥਿਉਸ ਅਤੇ ਸਮੁੱਚੀ ਕਲੀਸਿਯਾ ਦੋਵੇਂ ਹੀ 1 ਤਿਮੋਥਿਉਸ ਦੇ ਪਾਠਕ ਹਨ।

ਉਦੇਸ਼

ਤਿਮੋਥਿਉਸ ਨੂੰ ਇਹ ਸਿਖਾਉਣ ਲਈ ਕਿ ਪਰਮੇਸ਼ੁਰ ਦੇ ਘਰਾਣੇ ਨੂੰ ਕਿਸ ਤਰ੍ਹਾਂ ਵਿਹਾਰ ਕਰਨਾ ਚਾਹੀਦਾ ਹੈ (3:14-15) ਅਤੇ ਇਹ ਕਿ ਤਿਮੋਥਿਉਸ ਨੂੰ ਕਿੰਨੀ ਲਗਨ ਨਾਲ ਇਨ੍ਹਾਂ ਹਿਦਾਇਤਾਂ ਨੂੰ ਫੜ੍ਹ ਕੇ ਰੱਖਣਾ ਚਾਹੀਦਾ ਹੈ। ਇਹ ਆਇਤਾਂ 1 ਤਿਮੋਥਿਉਸ ਦੀ ਪੱਤ੍ਰੀ ਦੇ ਲਈ ਪੌਲੁਸ ਦੇ ਉਦੇਸ਼ ਬਾਰੇ ਦੱਸਦੀਆਂ ਹਨ। ਉਹ ਕਹਿੰਦਾ ਹੈ ਕਿ ਉਹ ਇਸ ਲਈ ਲਿਖ ਰਿਹਾ ਹੈ, ਕਿ ਉਹ ਜਾਣ ਸਕਣ, ਕਿ ਲੋਕਾਂ ਨੂੰ ਪਰਮੇਸ਼ੁਰ ਦੇ ਘਰਾਣੇ ਵਿੱਚ ਕਿਸ ਤਰ੍ਹਾਂ ਦਾ ਵਿਹਾਰ ਕਰਨਾ ਚਾਹੀਦਾ ਹੈ, ਉਹ ਘਰਾਣਾ ਜੋ ਕਿ ਜੀਉਂਦੇ ਪਰਮੇਸ਼ੁਰ ਦੀ ਕਲੀਸਿਯਾ ਹੈ ਅਤੇ ਸਚਿਆਈ ਦਾ ਥੰਮ੍ਹ ਅਤੇ ਨੀਂਹ ਹੈ। ਇਹ ਆਇਤਾਂ ਦੱਸਦੀਆਂ ਹਨ ਕਿ ਪੌਲੁਸ ਪੱਤ੍ਰੀਆਂ ਭੇਜ ਕੇ ਆਪਣੇ ਆਦਮੀਆਂ ਨਿਰਦੇਸ਼ ਦੇ ਰਿਹਾ ਹੈ ਕਿ ਉਨ੍ਹਾਂ ਨੇ ਕਿਵੇਂ ਕਲੀਸਿਯਾਵਾਂ ਨੂੰ ਮਜ਼ਬੂਤ ਕਰਨਾ ਅਤੇ ਬਣਾਉਣਾ ਹੈ।

ਵਿਸ਼ਾ-ਵਸਤੂ

ਇੱਕ ਨੌਜਵਾਨ ਚੇਲੇ ਲਈ ਹਿਦਾਇਤਾਂ

ਰੂਪ-ਰੇਖਾ

1. ਸੇਵਕਾਈ ਦੇ ਲਈ ਅਭਿਆਸ — 1:1-20

2. ਸੇਵਕਾਈ ਦੇ ਲਈ ਸਿਧਾਂਤ — 2:1-3:16

3. ਸੇਵਕਾਈ ਦੇ ਵਿੱਚ ਜ਼ਿੰਮੇਵਾਰੀਆਂ — 4:1-6:21