Indian Revised Version (IRV) Punjabi - 2019
ਜ਼ਬੂਰ 136
ਧੰਨਵਾਦ ਦਾ ਭਜਨ
ਯਹੋਵਾਹ ਦਾ ਧੰਨਵਾਦ ਕਰੋ ਜੋ ਉਹ ਭਲਾ ਹੈ,
ਤੇ ਉਹ ਦੀ ਦਯਾ ਸਦਾ ਦੀ ਹੈ।
ਦੇਵਤਿਆਂ ਦੇ ਪਰਮੇਸ਼ੁਰ ਦਾ ਧੰਨਵਾਦ ਕਰੋ,
ਉਹ ਦੀ ਦਯਾ ਸਦਾ ਦੀ ਹੈ।
ਪ੍ਰਭੂਆਂ ਦੇ ਪ੍ਰਭੂ ਦਾ ਧੰਨਵਾਦ ਕਰੋ,
ਉਹ ਦੀ ਦਯਾ ਸਦਾ ਦੀ ਹੈ।
ਉਸੇ ਦਾ ਜੋ ਇਕੱਲਾ ਹੀ ਵੱਡੇ-ਵੱਡੇ ਅਚਰਜਾਂ ਨੂੰ ਕਰਦਾ ਹੈ,
ਉਹ ਦੀ ਦਯਾ ਸਦਾ ਦੀ ਹੈ,
ਉਸੇ ਦਾ ਜਿਸ ਨੇ ਅਕਾਸ਼ ਨੂੰ ਬੁੱਧ ਨਾਲ ਬਣਾਇਆ ਹੈ,
ਉਹ ਦੀ ਦਯਾ ਸਦਾ ਦੀ ਹੈ,
ਉਸੇ ਦਾ ਜਿਸ ਨੇ ਧਰਤੀ ਨੂੰ ਪਾਣੀਆਂ ਉੱਤੇ ਫੈਲਾਇਆ ਹੈ,
ਉਹ ਦੀ ਦਯਾ ਸਦਾ ਦੀ ਹੈ,
ਉਸੇ ਦਾ ਜਿਸ ਨੇ ਵੱਡੀਆਂ-ਵੱਡੀਆਂ ਜੋਤਾਂ ਨੂੰ ਬਣਾਇਆ,
ਉਹ ਦੀ ਦਯਾ ਸਦਾ ਦੀ ਹੈ,
ਸੂਰਜ ਨੂੰ ਕਿ ਉਹ ਦਿਨ ਉੱਤੇ ਰਾਜ ਕਰੇ,
ਉਹ ਦੀ ਦਯਾ ਸਦਾ ਦੀ ਹੈ,
ਚੰਦਰਮਾਂ ਤੇ ਤਾਰਿਆਂ ਨੂੰ ਕਿ ਓਹ ਰਾਤ ਉੱਤੇ ਰਾਜ ਕਰਨ,
ਉਹ ਦੀ ਦਯਾ ਸਦਾ ਦੀ ਹੈ,
ਉਸੇ ਦਾ ਜਿਸ ਮਿਸਰ ਦੇ ਪਹਿਲੌਠਿਆਂ ਨੂੰ ਮਾਰਿਆ,
ਉਹ ਦੀ ਦਯਾ ਸਦਾ ਦੀ ਹੈ,
ਅਤੇ ਇਸਰਾਏਲ ਨੂੰ ਉਨ੍ਹਾਂ ਦੇ ਵਿੱਚ ਕੱਢ ਲਿਆਇਆ,
ਉਹ ਦੀ ਦਯਾ ਸਦਾ ਦੀ ਹੈ,
ਤਕੜੇ ਹੱਥ ਤੇ ਪਸਾਰੀ ਹੋਈ ਬਾਂਹ ਨਾਲ,
ਉਹ ਦੀ ਦਯਾ ਸਦਾ ਦੀ ਹੈ,
ਉਸੇ ਦਾ ਜਿਸ ਲਾਲ ਸਮੁੰਦਰ ਨੂੰ ਪਾੜ ਕੇ ਦੋ ਹਿੱਸੇ ਕਰ ਦਿੱਤਾ,
ਉਹ ਦੀ ਦਯਾ ਸਦਾ ਦੀ ਹੈ,
ਅਤੇ ਇਸਰਾਏਲ ਨੂੰ ਉਹ ਦੇ ਵਿੱਚੋਂ ਦੀ ਲੰਘਾ ਲਿਆ,
ਉਹ ਦੀ ਦਯਾ ਸਦਾ ਦੀ ਹੈ,
ਅਤੇ ਫ਼ਿਰਊਨ ਤੇ ਉਹ ਦੀ ਫੌਜ ਨੂੰ ਲਾਲ ਸਮੁੰਦਰ ਵਿੱਚ ਝਾੜ ਸੁੱਟਿਆ,
ਉਹ ਦੀ ਦਯਾ ਸਦਾ ਦੀ ਹੈ,
ਉਸੇ ਦਾ ਜੋ ਆਪਣੀ ਪਰਜਾ ਨੂੰ ਉਜਾੜ ਦੇ ਵਿੱਚ ਲਈ ਤੁਰਿਆ,
ਉਹ ਦੀ ਦਯਾ ਸਦਾ ਦੀ ਹੈ,
ਉਸੇ ਦਾ ਜਿਸ ਵੱਡੇ-ਵੱਡੇ ਰਾਜਿਆਂ ਨੂੰ ਮਾਰਿਆ,
ਉਹ ਦੀ ਦਯਾ ਸਦਾ ਦੀ ਹੈ,
ਅਤੇ ਤੇਜਵਾਨ ਰਾਜਿਆਂ ਨੂੰ ਵੱਢ ਸੁੱਟਿਆ,
ਉਹ ਦੀ ਦਯਾ ਸਦਾ ਦੀ ਹੈ,
ਅਮੋਰੀਆਂ ਦੇ ਰਾਜੇ ਸੀਹੋਨ ਨੂੰ,
ਉਹ ਦੀ ਦਯਾ ਸਦਾ ਦੀ ਹੈ,
ਬਾਸ਼ਾਨ ਦੇ ਰਾਜੇ ਓਗ ਨੂੰ,
ਉਹ ਦੀ ਦਯਾ ਸਦਾ ਦੀ ਹੈ,
ਅਤੇ ਉਨ੍ਹਾਂ ਦੇ ਦੇਸ ਨੂੰ ਮਿਲਖ਼ ਵਿੱਚ ਦੇ ਦਿੱਤਾ,
ਉਹ ਦੀ ਦਯਾ ਸਦਾ ਦੀ ਹੈ,
ਆਪਣੇ ਦਾਸ ਇਸਰਾਏਲ ਦੀ ਮਿਲਖ਼ ਵਿੱਚ,
ਉਹ ਦੀ ਦਯਾ ਸਦਾ ਦੀ ਹੈ,
ਜਿਸ ਸਾਡੇ ਮੰਦੇ ਹਾਲ ਵਿੱਚ ਸਾਨੂੰ ਚੇਤੇ ਕੀਤਾ,
ਉਹ ਦੀ ਦਯਾ ਸਦਾ ਦੀ ਹੈ,
ਅਤੇ ਸਾਨੂੰ ਸਾਡੇ ਵਿਰੋਧੀਆਂ ਤੋਂ ਛੁਡਾਇਆ,
ਉਹ ਦੀ ਦਯਾ ਸਦਾ ਦੀ ਹੈ,
ਜੋ ਸਭ ਜੀਵਾਂ ਨੂੰ ਰੋਟੀ ਦਿੰਦਾ ਹੈ,
ਉਹ ਦੀ ਦਯਾ ਸਦਾ ਦੀ ਹੈ,
ਅਕਾਸ਼ ਦੇ ਪਰਮੇਸ਼ੁਰ ਦਾ ਧੰਨਵਾਦ ਕਰੋ,
ਉਹ ਦੀ ਦਯਾ ਸਦਾ ਦੀ ਹੈ!।
Indian Revised Version (IRV) Punjabi - 2019. Copyright © Bridge Connectivity Solutions Pvt. Ltd. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.