Biblica® Open Punjabi Contemporary Version 2025
ਅੱਯੋਬ 12
ਅੱਯੋਬ
ਤਦ ਅੱਯੋਬ ਨੇ ਜਵਾਬ ਦਿੱਤਾ:
“ਬੇਸ਼ੱਕ ਤੁਸੀਂ ਹੀ ਉਹ ਲੋਕ ਹੋ,
ਅਤੇ ਤੁਹਾਡੇ ਨਾਲ ਬੁੱਧ ਮਰ ਜਾਵੇਗੀ!
ਪਰ ਮੇਰੇ ਕੋਲ ਮਨ ਤੇ ਤੂੰ ਹੀ ਹੈ;
ਮੈਂ ਤੁਹਾਡੇ ਨਾਲੋਂ ਨੀਵਾਂ ਨਹੀਂ ਹਾਂ।
ਇਹ ਸਭ ਗੱਲਾਂ ਕੌਣ ਨਹੀਂ ਜਾਣਦਾ?
“ਮੈਂ ਆਪਣੇ ਦੋਸਤਾਂ ਲਈ ਮਜ਼ਾਕ ਦਾ ਪਾਤਰ ਬਣ ਗਿਆ ਹਾਂ,
ਭਾਵੇਂ ਮੈਂ ਪਰਮੇਸ਼ਵਰ ਨੂੰ ਪੁਕਾਰਿਆ ਅਤੇ ਉਸ ਨੇ ਉੱਤਰ ਦਿੱਤਾ;
ਸਿਰਫ ਮਜ਼ਾਕ ਦਾ ਪਾਤਰ, ਭਾਵੇਂ ਕਿ ਧਰਮੀ ਅਤੇ ਨਿਰਦੋਸ਼!
ਜਿਹੜੇ ਸੁਖੀ ਹਨ ਉਹਨਾਂ ਨੂੰ ਬਦਕਿਸਮਤਾਂ ਨਾਲ ਨਫ਼ਰਤ ਹੁੰਦੀ ਹੈ
ਉਹਨਾਂ ਦੀ ਕਿਸਮਤ ਜਿਨ੍ਹਾਂ ਦੇ ਪੈਰ ਤਿਲਕ ਰਹੇ ਹਨ।
ਲੁਟੇਰਿਆਂ ਦੇ ਤੰਬੂ ਕਾਇਮ ਹਨ,
ਅਤੇ ਪਰਮੇਸ਼ਵਰ ਨੂੰ ਭੜਕਾਉਣ ਵਾਲੇ ਸੁਰੱਖਿਅਤ ਹਨ
ਉਹ ਇਹ ਸਮਝਦੇ ਹਨ ਕਿ ਪਰਮੇਸ਼ਵਰ ਉਹਨਾਂ ਦੀ ਮੁੱਠੀ ਵਿੱਚ ਹੈ।
“ਪਰ ਜਾਨਵਰਾਂ ਨੂੰ ਪੁੱਛੋ ਅਤੇ ਉਹ ਤੁਹਾਨੂੰ ਸਿਖਾਉਣਗੇ,
ਜਾਂ ਅਕਾਸ਼ ਦੇ ਪੰਛੀਆਂ ਨੂੰ ਅਤੇ ਉਹ ਤੁਹਾਨੂੰ ਦੱਸਣਗੇ;
ਜਾਂ ਧਰਤੀ ਨਾਲ ਗੱਲ ਕਰੋ ਅਤੇ ਇਹ ਤੁਹਾਨੂੰ ਸਿਖਾਵੇਗੀ,
ਜਾਂ ਸਮੁੰਦਰ ਦੀਆਂ ਮੱਛੀਆਂ ਤੁਹਾਨੂੰ ਦੱਸ ਦੇਣਗੀਆਂ।
ਇਨ੍ਹਾਂ ਸਾਰਿਆਂ ਵਿੱਚੋਂ ਕੌਣ ਨਹੀਂ ਜਾਣਦਾ
ਕਿ ਇਹ ਯਾਹਵੇਹ ਦੇ ਹੱਥ ਨੇ ਕੀ ਕੀਤਾ ਹੈ?
ਉਸ ਦੇ ਹੱਥ ਵਿੱਚ ਹਰ ਪ੍ਰਾਣੀ ਦੀ ਜਾਨ
ਅਤੇ ਸਾਰੀ ਮਨੁੱਖਜਾਤੀ ਦਾ ਸਾਹ ਹੈ।
ਕੀ ਕੰਨ ਸ਼ਬਦਾਂ ਨੂੰ ਨਹੀਂ ਪਰਖਦੇ
ਜਿਵੇਂ ਜੀਭ ਭੋਜਨ ਦਾ ਸਵਾਦ ਚੱਖ ਲੈਂਦੀ ਹੈ?
ਕੀ ਸਿਆਣਪ ਸਿਆਣਿਆਂ ਵਿੱਚ ਨਹੀਂ ਮਿਲਦੀ?
ਕੀ ਲੰਬੀ ਉਮਰ ਸਮਝ ਨਹੀਂ ਲਿਆਉਂਦੀ?
“ਬੁੱਧ ਅਤੇ ਸ਼ਕਤੀ ਪਰਮੇਸ਼ਵਰ ਦੀ ਹੈ;
ਸਲਾਹ ਅਤੇ ਸਮਝ ਉਸ ਦੀ ਹੈ।
ਜੋ ਉਹ ਢਾਹ ਦਿੰਦਾ ਹੈ, ਉਸ ਨੂੰ ਦੁਬਾਰਾ ਨਹੀਂ ਬਣਾਇਆ ਜਾ ਸਕਦਾ;
ਜਿਨ੍ਹਾਂ ਨੂੰ ਉਹ ਕੈਦ ਕਰਦਾ ਹੈ, ਰਿਹਾ ਨਹੀਂ ਕੀਤਾ ਜਾ ਸਕਦਾ।
ਜੇ ਉਹ ਪਾਣੀਆਂ ਨੂੰ ਰੋਕ ਲਵੇ, ਉੱਥੇ ਸੋਕਾ ਹੈ;
ਜੇ ਉਹ ਉਹਨਾਂ ਨੂੰ ਛੱਡ ਦਿੰਦਾ ਹੈ, ਤਾਂ ਉਹ ਧਰਤੀ ਨੂੰ ਤਬਾਹ ਕਰ ਦਿੰਦੇ ਹਨ।
ਤਾਕਤ ਅਤੇ ਸੂਝ ਉਸ ਲਈ ਹੈ;
ਧੋਖਾ ਖਾਣ ਵਾਲੇ ਅਤੇ ਧੋਖੇਬਾਜ਼ ਦੋਵੇਂ ਉਸ ਦੇ ਹਨ।
ਉਹ ਹਾਕਮਾਂ ਨੂੰ ਲਾਹ ਕੇ ਲੈ ਜਾਂਦਾ ਹੈ
ਅਤੇ ਨਿਆਂਈਆ ਨੂੰ ਮੂਰਖ ਬਣਾਉਂਦਾ ਹੈ।
ਉਹ ਰਾਜਿਆਂ ਦੁਆਰਾ ਪਹਿਨੇ ਹੋਏ ਸੰਗਲ ਲਾਹ ਲੈਂਦਾ ਹਨ
ਅਤੇ ਉਹਨਾਂ ਦੇ ਲੱਕ ਨੂੰ ਬੰਧਨਾਂ ਨਾਲ ਬੰਨ੍ਹ ਦਿੰਦਾ ਹੈ।
ਉਹ ਜਾਜਕਾਂ ਨੂੰ ਨੰਗ੍ਹੇ ਪੈਰੀ ਗੁਲਾਮੀ ਵਿੱਚ ਲੈ ਜਾਂਦਾ ਹੈ,
ਅਤੇ ਲੰਬੇ ਸਮੇਂ ਤੋਂ ਸਥਾਪਤ ਅਧਿਕਾਰੀਆਂ ਨੂੰ ਉਖਾੜ ਸੁੱਟਦਾ ਹੈ।
ਉਹ ਭਰੋਸੇਮੰਦ ਸਲਾਹਕਾਰਾਂ ਦੇ ਬੁੱਲ੍ਹਾਂ ਨੂੰ ਚੁੱਪ ਕਰਾਉਂਦਾ ਹੈ
ਅਤੇ ਬਜ਼ੁਰਗਾਂ ਦੀ ਸਮਝ ਖੋਹ ਲੈਂਦਾ ਹੈ।
ਉਹ ਪਤਵੰਤਾਂ ਉੱਤੇ ਨਫ਼ਰਤ ਸੁੱਟਦਾ ਹੈ
ਅਤੇ ਬਲਵਾਨਾਂ ਨੂੰ ਹਥਿਆਰਬੰਦ ਕਰਦਾ ਹੈ।
ਉਹ ਹਨੇਰੇ ਦੀਆਂ ਡੂੰਘੀਆਂ ਗੱਲਾਂ ਨੂੰ ਪ੍ਰਗਟ ਕਰਦਾ ਹੈ
ਅਤੇ ਹਨੇਰੇ ਨੂੰ ਚਾਨਣ ਵਿੱਚ ਲਿਆਉਂਦਾ ਹੈ।
ਉਹ ਕੌਮਾਂ ਨੂੰ ਮਹਾਨ ਬਣਾਉਂਦਾ ਹੈ ਅਤੇ ਉਹਨਾਂ ਨੂੰ ਤਬਾਹ ਕਰਦਾ ਹੈ;
ਉਹ ਕੌਮਾਂ ਨੂੰ ਵੱਡਾ ਕਰਦਾ ਹੈ ਅਤੇ ਉਹਨਾਂ ਨੂੰ ਖਿੰਡਾਉਂਦਾ ਹੈ।
ਉਹ ਧਰਤੀ ਦੇ ਆਗੂਆਂ ਨੂੰ ਉਹਨਾਂ ਦੇ ਕਾਰਨਾਂ ਤੋਂ ਵਾਂਝਾ ਕਰਦਾ ਹੈ;
ਪਰਮੇਸ਼ਵਰ ਉਹਨਾਂ ਨੂੰ ਬੇਕਾਰ ਰਹਿੰਦ-ਖੂੰਹਦ ਵਿੱਚ ਭਟਕਾਉਂਦਾ ਹੈ।
ਉਹ ਹਨ੍ਹੇਰੇ ਵਿੱਚ ਬਿਨ੍ਹਾ ਚਾਨਣ ਤੋਂ ਟੋਹਦੇ ਫਿਰਦੇ ਹਨ।
ਉਹ ਉਹਨਾਂ ਨੂੰ ਸ਼ਰਾਬੀ ਵਾਂਗੂੰ ਭਟਕਾਉਂਦਾ ਹੈ।
Biblica® Open Punjabi Contemporary Version 2025. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.