Baghlayani Bible
पजन 93
परमेशरो रे राज्य री महिमा
प्रभु राजा ए; तिने प्रतापो रा पईरावा पईनी राखेया;
प्रभुए पईरावा पईनी राखेया ओर सामर्था रा फैंटा बानी राखेया।
इजी बजा ते दुनिया री निऊँ मजबूत ए, से ईल्ली नि सकदी।
ओ यहोवा, तेरी राजगद्दी शुरूए तेई मजबूत ए,
तूँ सदा ते राज करेया।
ओ प्रभु, समुद्रो रिया प्रचण्ड लईरा ऊठणे लगी रिया,
प्रचण्ड लईरा रा बड़ा पारी शाद ऊणे लगी रा।
महासागरो रिया आवाजा ते ओर समुद्रो रिया प्रचण्ड लईरा ते जादा,
ऊच्चे पाँदे विराजमान प्रभु शक्तिशाली ए।
ओ प्रभु, तेरी चतौणिया बऊत ई परोसे जोगिया ए;
तेरे मईलो खे जुगो-जुगो री पवित्रता ई शोभा देओई।
Baghlayani Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.