Baghlayani Bible
पजन 23
प्रभु मेरा चराणे वाल़ा ए
दाऊदो रा पजन
प्रभु माखे चराणे वाल़ा ए,
माखे कोई कमी नि ऊणी।1
से माखे अरी-परी काओ री जमीना दे राम कराओआ;2
से माखे शांत झरने रे कनारे पाँदे लई जाओआ।
से माखे नवीं तागत देओआ।
से माखे सई बाट दखाओआ,
जेड़ा तिने वादा करी राखेया ए।
चाए आऊँ बऊत जादा न्हेरिया काअटिया रे ऊई की चलूँ,
तेबे बी कोई अनिष्ट ऊणे ते नि डरदा,
कऊँकि ओ प्रभु, तूँ मां साथे ए,
तेरे चराणे वाल़े री सोठी ओर डण्डा मेरी रक्षा करोए।
मेरे दुश्मणा री मौजुदगिया रे तूँ मेरिया तँईं रोटिया री मेज3 लगाओआ;
तैं तेलो साथे मेरा अभिषेक करी राखेया,
मेरा कटोरा छल़कणे लगी रा।
पक्का पलाई ओर करूणा जिन्दगी पर मां साथे बणी री रणी
ओर मां प्रभुए रे कअरे जुगो-जुगो तक रणा।
Source notes (3)
- Footnote यशायाह 40:11
- Footnote पेडा रे चरने ओर राम करने रिया तँईं एक खरी जगा
- Footnote बड़े खाणे
Baghlayani Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.