Baghlayani Bible
पजन 125
परमेशरो रे लोका री सुरक्षा
दाऊदो री यात्रा रा गीत
जो परमेशरो पाँदे परोसा राखोए,
सेयो सिय्योन पाह्ड़ो जेड़े ए,
जो टल़दा नि,
बल्कि सदा बणेया रा रओआ।
जिंयाँ यरूशलेमो रे चऊँ कनारे पाह्ड़ ए,
तिंयाँ ई प्रभु आपणे निज लोका रे चऊँ कनारे एबुए ते लई की सदा तक बणेया रा रणा।
तर्मी माणूंए पाँदे दुष्ट माणूंए रा राज्य सदा नि रंदा,
ताकि तर्मी माणूं दुष्ट माणूंए री तरआ बुरेया कामा रिया तरफा खे नि फिरो।
ओ यहोवा, तिना रा पला कर जो दूजेया रिया तँईं तर्मी काम करोए,
ओर जो तेरिया आज्ञा खे दिलो ते मानोए।
पर जो लोक आपणियां बुरिया बाटा पाँदे हांडोए,
ओ यहोवा, तिना खे दूर कर! तिना खे तिना लोका साथे दूर लई जाओ जो बुरे काम करोए।
इस्राएलो खे शान्ति मिलो!1
Source notes (1)
- Footnote नसी 2:15
Baghlayani Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.