Baghlayani Bible
पजन 121
परमेशर म्हारी रक्षा करने वाल़ा ए
यात्रा रा गाणा
मां आपणियां आखी पाह्ड़ा रिया तरफा खे लगाणियां।
माखे मताद केथा ते मिलणी?
माखे मताद प्रभुए रिया तरफा ते मिलोई,
जो सर्ग ओर तरतिया खे बनाणे वाल़ा ए।
यहोवा तेरी रक्षा करने वाल़ा ए,
ओर से ना तो सऊणा ओर ना तूँ रूड़ने देणा।
देखो, इस्राएलो री रक्षा करने वाल़े खे ना तो नींजा रे टमके आऊणे,
ना ई से सऊणा। 1
यहोवा म्हारी रक्षा करने वाल़ा ए,
से तेसा छाई जेड़ा ए जो आसा खे तूपा ते बचाओई।
ना तो दिने तूपा रे
ओर ना ई राती री चानणियाँ ते तेरा कोई नुकशाण ऊणा।
यहोवा से आ जो हर खतरे दे तुसा री देखपाल़ करोआ।
से तुसा रे जीवनो खे बचाई की राखोआ।
प्रभुए तेरे जाणे-आऊणे रे
तेरी रक्षा एबुए ते लई की सदा तक करदे रणा।
Source notes (1)
- Footnote यहोवा हमेशा जागदा ओर चौकस रओआ।
Baghlayani Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.