Baghlayani Bible
नहेम्याह 7
यरूशलेम शईरो रा बणाया जाणा
जेबे दवाल बणीगी ओर मैं तेतेरे फल़े खड़े करीते, ओर द्वारपाल, ओर गाणे वाल़े ओर लेवी लोक ठराए, तेबे मैं आपणा पाई हनानी ओर राजगढ़ो रे परदान हनन्याह यरूशलेम शईरो रे अधिकारी बणाये, कऊँकि ये सच्चा माणूं ओर बऊत जादा परमेशरो रा डर मानणे वाल़ा था। ओर मैं तिना खे बोलेया, “जदुओ तक तूप तेज नि ऊई जाओ, तदुओ तक यरूशलेम शईरो रे बड़े द्वार नि खोलणे ओर जेबे सांजा रे बखते पईरेदार पईरा देंदे रओ, तेबेई बड़े द्वार बन्द करने ओर बेड़े लगाणे। तेबे यरूशलेम शईरो रे रणे वाल़ेया बीचे तूँ रखवाल़े राख जो आपणा-आपणा पईरा आपणे-आपणे कअरो सामणे देया करो।” यरूशलेम शईर तो लाम्बा-चौड़ा था, पर तिदे लोक थोड़े थे ओर कअर नि बणी रे थे।
वापस आऊणे वाल़ेया री वंशावली
तेबे मेरे परमेशरे मेरे मनो रे ये गल्ल पाई कि यहूदा रे मुखिये, परदान ओर प्रजा रे लोका खे इजी रिया तँईं कट्ठे करुँ, ताकि सेयो आपणी-आपणी वंशावलिया रे मुताबिक गिणे जाओ। ओर तेबे माखे बऊत पईलके यरूशलेम शईरो दे आए रे लोका री वंशावलिया री चिट्ठी मिली ओर तिदे माखे ये लिखेया रा मिलेया। जिना खे बाबेलो रा राजा, नबूकदनेस्सर बन्दी बणाई की लईगा था, तिना बीचा ते जो राज्य रे लोक गुलामिया ते छूटी की, यरूशलेम ओर यहूदा दे आपणे-आपणे शईरो खे आए। सेयो परदान थे जरूब्बाबेल, येशुअ, नहेम्याह, अजर्याह, राम्याह, नहमानी, मोर्दकै, बिलशान, मिस्पेरेत, बिगवै, नहूम ओर बानाह साथे आए। इस्राएली प्रजा रे लोका री गिणती ये ए:
परोशो री ल्वाद 2,172, शपत्याह री ल्वाद 372, आरह री ल्वाद 652, पहत्मोआबो री ल्वाद येशुअ ओर योआबो री ल्वाद, 2,818, एलामो री ल्वाद 1,254, जत्तूए री ल्वाद 845, जक्कईये री ल्वाद 760, बिन्नूई री ल्वाद 648, बेबैए री ल्वाद 628, अजगादो री ल्वाद 2,322, अदोनीकामो री ल्वाद 666, बिगवैए री ल्वाद 2,067, आदीनो री ल्वाद 655, हिजकिय्याह री ल्वाद आतेरो रे कुलो बीचा ते 98, हाशूमो री ल्वाद 328, बेसै री ल्वाद 324, हारीफो री ल्वाद 112, गिबोनो रे लोक 95,
जिना लोका रे बुजुर्ग इना शईरा दे रओ थे सेयो बी वापस आए यो ए; बेतलेहम ओर नतोपा रे माणूं 188, अनातोतो रे माणूं 128, बेतजमावतो रे माणूं 42, किर्यत्यारीम, कपीरा, ओर बेरोतो रे माणूं 743, रामाह ओर गेबा रे माणूं 621, मिकमाशो रे माणूं 122, आई ओर बेतेलो रे माणूं 123, दूजे नबो रे माणूं 52, दूजे एलामो रे लोक 1,254, हारीमो रे लोक 320, यरीहो रे लोक 345, लोद हादीद ओर ओनो रे लोक 721, सना रे लोक 3,930,
तेबे पुरोईत, मतलब येशुअ रे कराने बीचा ते यदायाह री ल्वाद 973, इम्मेरो री ल्वाद 1,052, पशहूरो री ल्वाद 1,247, हारीमो री ल्वाद 1,017,
तेबे लेविये यो थे जो वापस आए थे: होदवा रे कुलो बीचा ते कदमिएलो री ल्वाद येशुअ री ल्वाद 74,
तेबे गाणे वाल़े यो थे: आसापो री ल्वाद 148,
तेबे द्वारपाल यो थे: शल्लूमो री ल्वाद आतेरो री ल्वाद तल्मोनो री ल्वाद, अक्कूबो री ल्वाद, हतीता री ल्वाद ओर शोबै री ल्वाद, जो सारे मिलाई की 138 ऊए।
तेबे परमेशरो रे मन्दरो दे सेवा करने वाल़े, मतलब सीहा री ल्वाद हसूपा री ल्वाद, तब्बाओतो री ल्वाद, केरोस री ल्वाद, सीआ री ल्वाद, पादोनो री ल्वाद, लबाना री ल्वाद, हगाबा री ल्वाद, शल्मै री ल्वाद, हानानो री ल्वाद, गिद्देलो री ल्वाद, गहरो री ल्वाद, रायाह री ल्वाद, रसीनो री ल्वाद, नकोदा री ल्वाद, गज्जामो री ल्वाद, उज्जा री ल्वाद, पासेह री ल्वाद, बेसै री ल्वाद, मूनीमो री ल्वाद, नपूशसो री ल्वाद, बकबूको री ल्वाद, हकूपा री ल्वाद, हर्हूरो री ल्वाद, बसलीतो री ल्वाद, महीदा री ल्वाद, हर्शा री ल्वाद, बर्कोसो री ल्वाद, सीसरा री ल्वाद, तेमह री ल्वाद, नसीह री ल्वाद, ओर हतीपा री ल्वाद। तेबे सुलैमानो रे नौकरा री ल्वाद मतलब सोतै री ल्वाद, सोपेरेतो री ल्वाद, परीदा री ल्वाद, याला री ल्वाद, दर्कोनो री ल्वाद, गिद्देलो री ल्वाद, शपत्याह री ल्वाद, हत्तीलो री ल्वाद, पोकरेत-सबायीमो री ल्वाद, ओर आमोनो री ल्वाद।
मन्दरो दे सेवा करने वाल़े ओर सुलैमानो रे नौकरा री ल्वाद मिलाई की 392 थे। ओर यो सेयो ए, जो तेल्मेलाह, तेलहर्शा, करूब, अद्दोन ओर इम्मेरो ते यरूशलेम शईरो खे गये, पर आपणे-आपणे पितरा रे कराने ओर वंशावली नि बताई सके कि इस्राएलो रे ए, कि नई, दलायाह री ल्वाद, तोबिय्याह री ल्वाद, ओर नकोदा री ल्वाद, जो सब मिलाई की 642 थे।
यो लोक बी पुरोईता बीचा ते होबायाह री ल्वाद, हक्कोसो री ल्वाद, ओर बर्जिल्लै री ल्वाद, जिने गिलाद लाके रे बर्जिल्लै री बेटिया बीचा ते एकी साथे ब्या करी ला, ओर तिना रा ई नाओं राखी ता था। इने आपणी-आपणी वंशावलिया री चिट्ठी ओरी वंशावलिया री चिट्टिया बीचे टोल़ी, पर तिना खे से नि मिली, इजी री खातर सेयो अशुद्ध ठराई की पुरोईतो रे पदो ते निकयाल़ी ते। ओर परदाने तिना खे बोलेया, कि जदुओ तक ऊरीम ओर तुम्मीम धारण करने वाल़ा कोई पुरोईत नि उठो, तदुओ तक तुसे कोई परम पवित्र चीज नि खाणी। पूरी मण्डल़िया रे लोक मिलाई की 42,360 थे। इना खे छाडी की तिना रे 7,337 दास-दासिया ओर 245 गाणे वाल़े ओर गाणे वाल़िया थिया। तिना रे 736 कोड़े, 245 खच्चरा, 435 ऊँट ओर 6,720 गह्दे थे।
ओर इस्राएली पितरा रे कराने रे कई मुखिये कामो खे दान दित्तेया। परदाने तो चन्दे दे 8 किलो 600 ग्राम सूईने रे सिक्के, 50 कटोरे ओर पुरोईता खे 530 चोगे मन्दरो रे पण्डारो दे दित्ते। ओर इस्राएली पितरा रे कराने रे कई बड़े-बड़े माणूंए तेस कामो रे चन्दे दे 153 किलो सूईने रे सिक्के ओर 1,460 किलो चाँदिए रे सिक्के मन्दरो रे पण्डारो दे दित्तेया। जो पेंट बाकी इस्राएली प्रजे दित्ती, से ये थी: 153 किलो सूईने रे सिक्के, 1,330 किलो चाँदिए रे सिक्के ओर सताठ पुरोईता रे चोगे। ईंयाँ पुरोईत, लेविये, द्वारपाल, गाणे वाल़े, प्रजा रे कुछ लोक ओर मन्दरो दे सेवा करने वाल़े ओर सब इस्राएली आपणे-आपणे शईरो दे बसी गे।
Baghlayani Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.