मरकुस

मरकुस

मरकुसो रा लिखेया दा सुसमाचार

भूमिका

मरकुसो रा लिखेया दा सुसमाचार इना गल्ला ते शुरू ओआ, “परमेशरो रे पुत्र यीशु मसीह रा सुसमाचार।” इदे यीशुए खे एक पूरे अक्को साथे और काम करने वाल़े माणूंए रे रूपो रे दखाई राखेया। तेसरा अक्क तेसरी शिक्षा रे, दुष्टात्मा पाँदे तेसरे अधिकारा पाँदे और लोका रे पाप माफ करने रे प्रगट ऊई रा। इदे यीशु आपू खे माणूंए रा पुत्र बोलोआ। से इजी री खातर आया ताकि लोका खे पापो ते आजाद करने रिया तँईं आपणे प्राण देओ।

मरकुस यीशुए रे वचन और शिक्षा पाँदे नि, बल्कि तेसरे कामा पाँदे जोर देओआ। इजी री तँईं से तेसरी काणियां खे सीदा, साअन और असरदार रूपो रे दखाओआ। यूहन्ना बपतिस्मा देणे वाल़ा, यीशुए रा बपतिस्मा और तेसरी शिक्षा ते मिलदा-जुलदा एक संक्षिप्त भूमिका ते बाद, लेखक सीदे ई यीशुए री चंगाई और शिक्षा सेवा रा काम करने रा वर्णन करने लगोआ। जिंयाँ-जिंयाँ बखत बितदा गया तिंयाँ-तिंयाँ यीशुए खे मानणे वाल़े तेसखे ओर अच्छी तरअ ते समजदे गये, पर यीशुए रे बिरोदी ओर बी जादा बिरोद करदे गये। आखरी रे पाठ यीशुए रे तरतिया पाँदली जिन्दगिया रे आखरी अफ़्ते री घटणा रे बारे दखाओए, जिना रे खास ए, तेसरा क्रूसो पाँदे चढ़ाया जाणा और तेसरा दुबारा जिऊँदा ऊणा।

रूप-रेखा

सुसमाचारो री शुरूआत

गलीलो रे यीशुए री जनसेवा

गलीलो ते यरूशलेमो तक यात्रा

यरूशलेमो रे आखरी अफ़्ता

यीशुए रा दुबारा जिऊँदा ऊणा

जिऊँदे ऊए रे प्रभुए रा दिशणा और स्वर्गो खे जाणा