लूका

लूका

लूके रा लिखेया दा सुसमाचार

भूमिका

लूके रा लिखेया दा सुसमाचार यीशुए खे इस्राएलो री प्रतिज्ञा याद करने वाल़ा उद्धारकर्ता और सारी मानव जातिया रे उद्धारकर्ता दुँईं रेई रूपो रे दखाओआ। लूका लिखोआ कि यीशु कंगाल़ा खे सुसमाचार सुनाणे खे प्रभुए री आत्मे बुलाई राखेया था। इजी बजअ ते ये सुसमाचार कई प्रकारा रिया समस्या रे पड़े रे लोका रिया चिन्ता ते परी रा। लूके रा लिखेया दा सुसमाचार खुशिया साथे परे री खासियत ए, खास करी की शुरूओ रे पाठा रे, जिना रे यीशुए रे आऊणे री घोषणा करी राखी और आखरी रे बी जेती यीशुए रे स्वर्गो रे जाणे रा वर्णन ए। यीशुए रे स्वर्गो रे जाणे ते बाद मसीही विश्वासो रा विकास और विस्तारो रा खुलासा एस ई लेखको रे जरिए प्रेरितों रे काम नाओं री कताबा रे देई राखेया। दूजे और छठे पाअगो रे (थाले दित्ती री रूप-रेखा दे देखो) वर्णित बऊत सारिया गल्ला बस एते सुसमाचारो देई ए। उदारणो खे-यीशुए रे जन्मो पाँदे स्वर्गदूता रा गीत, ग्वाल़ेया रा यीशुए खे देखणे जाणा, यरूशलेमो रे मन्दरो रे बाल़क यीशु, कृपालु सामरी और उड़ाऊ पुत्रो रे उदारण बगैरा। सारे सुसमाचारो रे प्रार्थना, पवित्र आत्मा, यीशुए री जनसेवा रे जवाणसा री भूमिका और परमेशरो रे जरिए पापो री माफिया पाँदे बऊत जादा जोर देई राखेया।

रूप-रेखा

भूमिका

यूहन्ना बपतिस्मा देणे वाल़ा, यीशुए रा जन्म और बचपन

यूहन्ना बपतिस्मा देणे वाल़े री जनसेवा

यीशुए रा बपतिस्मा और परीक्षा

गलीलो रे यीशुए री जनसेवा

गलीलो ते यरूशलेमो तक सफर

यरूशलेमो रे आखरी अफ़्ता

प्रभुए रा दुबारा जिऊँदा ऊणा, दिशणा और स्वर्गो खे जाणा