योना

योना

योना नबीए रे जरिये लिखी री कताब

भूमिका

योना री कताब बाईबला री भविष्यबाणिया री ओरी कताब ते लग ए। ये एक एड़ी कताब ए जिदे एकी नबीए रे खतरे वाल़े कामा रे बारे दे ए, जिने परमेशरो री आज्ञा खे ना मानणे री कोशिश कित्ती थी। परमेशरे तेसखे नीनवे खे जाणे खे बोलेया, जो इस्राएलो रे सबी ते खतरनाक दुश्मण, बड़े अश्शूरो रे राज्य री राजधानी था। पर योना परमेशरो रे सन्देशो खे लई की तेती नि जाणा चाओ था, कऊँकि तेसखे पूरा परोसा था कि परमेशरे जो तेतेखे नाश करने री चतौणी देई राखी से तेस पूरी नि करनी। कई नाटको वाल़िया कटणा ते बाद, इच्छा ना ऊँदे ऊए बी तिने से आज्ञा मानी, ओर बादो ते से परमेशरो ते नराज ऊईगा जेबे नाशो रा तेसरा सन्देश पूरा नि ऊआ।

ये कताब तरतिया पाँदे परमेशरो रे पूरे अधिकारो खे बताओई। पर सबी ते खास बात ये ए कि इजी दे परमेशरो खे “प्यार ओर दया रा परमेशर” बताई राखेया ए, एथो तक कि से आपणी प्रजा रे दुश्मणा खे सजा देणे ओर तिना खे नाश करने रे बदले तिना खे माफ करना ओर तिना रा उद्धार करना चाओआ।

रूप-रेखा

योना रा बुलाणा ओर तेसरी आज्ञा खे ना मानणा

योने रा पछताणा ओर तेसरा छुटकारा

नीनवे रे खलाफ योने रा सन्देश

नीनवे पाँदे परमेशरो री दया