1 तीमुथियुस
1 Timothy
Introduction from this edition
1 तीमुथियुस
तीमुथियुसो खे प्रेरित पौलुसो री पईली चिट्ठी
भूमिका
तीमुथियुस एक जवान मसीह था, जो एशिया रा रणे वाल़ा और यहूदणी माए और यूनानी पिते रा पाऊ था। से पौलुसो रे प्रचार करने रे कामो रे तेसरा साथी और तेसरा मददगार बणीगा था। तीमुथियुसो खे प्रेरित पौलुसो री पईली चिट्ठी तीन खास गल्ला पाँदे बिचार करने खे लिखी राखी थी। सबी ते पईले, ये चिट्ठी मण्डल़िया रे चूठी शिक्षा रे बिरोदो रे एक चेतावणी ए। से शिक्षा, जो कि यहूदी और गैर-यहूदी बिचारो रा मिश्रण थी, एते तारणा पाँदे आधारित थी कि भौतिक दुनिया ई बुरी ए और एक माणूं खास गुप्त ज्ञान और कुछ रीति-रवाज, जिंयाँ-कई खाणे रिया चीजा नि खाणिया और ब्या नि करना बगैरा, खे मानणे रे जरिए ई उद्धार मिली सकोआ। एसा चिट्ठिया रे मण्डल़िया रे प्रबंद और आराधना ते जुड़े रे निर्देश बीए और साथे-साथे तेस चरित्रो रा बी वर्णन ए जो मण्डल़िया रे अगुवे और मददगारा खे जरूरी ए। आखरी रे तीमुथियुसो खे ये सला देई राखी कि से किंयाँ यीशु मसीह रा सेवक बणी सकोआ और कई विश्वासिया रे चूण्डो रे प्रति तेसरी क्या-क्या जिम्मेवारिया ए।
रूप-रेखा
भूमिका
मण्डल़िया और इजी रे अगुवे ते जुड़े रे निर्देश
तीमुथियुसो खे तेसरे कामो ते जुड़े रे निर्देश
Baghlayani Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.