2 कुरिन्थियों

2 कुरिन्थियों

कुरिन्थ नगरो री विश्वासी मण्डल़िया खे प्रेरित पौलुसो री दूजी चिट्ठी

भूमिका

कुरिन्थियों रे नाओं पौलुस प्रेरितों री दूजी चिट्ठी पौलुस और कुरिन्थुसो री मण्डल़िया बीचे जेबे कट्टर रिश्ते थे, तेस बखते लिखी थी। मण्डल़िया रे कई सदस्ये पौलुसो रे खलाफ स्पष्ट रूपो रे गम्भीर आरोप लगाए थे, पर से मेल-मलापो री आपणी गईरी इच्छा खे दखाओआ और जेबे एड़ा ऊई जाओआ तेबे से आपणी बऊत जादा खुशिया खे प्रगट करोआ।

एसा चिट्ठिया रे पईले पाअगो रे पौलुस कुरन्थिसो री मण्डल़िया साथे आपणे रिश्ते रे बारे रे बिचार करोआ और से तिना खे समजयाओआ कि तिने कऊँ मण्डल़िया रे बेज्जती और बिरोद करने जेड़ा कठोर बर्ताव कित्तेया और तेबे आपणी खुशिया खे प्रगट करोआ कि तेसरी कठोरता रा नतीजा पछतावा और मेल-मलाप ऊआ। तेबे से मण्डल़िया ते, यहूदिया रे गरीब मसीहिया री खातर उदारता साथे दान देणे री प्रार्थना करोआ। आखरी रे पाठा रे पौलुस कुरिन्थुसो रे कई लोका रे खलाफ आपणी प्रेरताईया रा समर्थन करोआ, जिने आपणे-आपू खे सच्चा चेले ऊणे रा दर्जा देईता था, जबकि सेयो पौलुसो पाँदे चूठा चेले ऊणे रा आरोप लगाया करो थे।

रूप-रेखा

भूमिका 1:1-11

पौलुस और कुरिन्थुसो री कलीसिया 1:12-7:16

यहूदिया रे मसीहिया खे दान 8:1-9:15

पौलुसो रे जरिए प्रेरितों रे रूपो रे आपणे अक्को रा समर्थन 10:1-13:10

निचोड़ 13:11-14