फिलेमोन

फिलेमोन

फिलेमोना लै लिखी दी च़िठी

भेत

लिखणैं आल़अ: पल़सी

पहल़णैं आल़ै: फिलेमोन

सन: 61-62

फिलेमोन त एक खास मसीही। इहअ बी सका हई कि सह थिअ कुलूस्स नगरीए मसीही टोलीओ दी साझ़ू अर उनेसिमुस नाओंऐं एकी दासो मालक। अह थिअ आपणैं मालक सेटा का ठुर्हअ द, अर तेखअ भेटअ सह किहअ करै पल़सी का ज़ुंण तधू कैद खानै त बंद। पल़सी करै बणअ उनेसिमुस मसीहा दी विश्वास करनै आल़अ। फिलेमोने नाओंऐं शधाणूं पल़सीए अह च़िठी करा फिलेमोना का एही अरज़ कि सह करै आपणैं दास संघै भिई मेल़-ज़ोल़ ज़ुंण पल़सी तेऊ सेटा लै भिई लाअ छ़ाडी। तेऊओ निं सिधअ माफ किऐ दै दासा समझ़ी, तेऊ समझ़ै मसीहा दी आपणअ सक्‍कअ भाई:

“मेरी आसा परमेशरा का एही अरज़ कि ज़ुंण साझ़ तेरी होरी विश्वासी संघै आसा, तेता करै लोल़ी ताखा तिन्‍नां सोभी भली गल्‍लो थोघ लागअ ज़ुंण हाम्हां लै परमेशरै आसा दैनी दी। एता करै लोल़ी मसीहो प्रतप्प शुझुअ।”

(1:6)

कताबे बांड

भेत 1-3

फिलेमोने बड़ैई 4-7

उनेसिमुस लान्हैं लै अरज़ 8-22

नचोल़ 23-25