नहूम

नहूम

नहूम गूरै लिखी दी कताब

भेत

लिखणैं आल़अ: नहूम

सन: 620 का 612 ईसा आजी

ऐहा कताबा दी खोज़ा नहूम गूर कि बिधाता लाअ नसाफ करी अर अश्शूर देशा लै सज़ा दैई। किल्हैकि अश्शूर देश आसा होरी देशा लै खास्सअ नर्दैई हुअ द। कई पराणैं बधान खोज़ा इहअ कि अह आसा बिधाते झींण ज़ेभै बिधाते नसाफ करने बारै गल्‍ला करा। पर ऐहा कताबा दी आसा बिधाता सिधअ तिन्‍नां लै झणैल़ू ज़ुंण तेऊ बाखा फिरा।

नहूम गूर खोज़ा इहअ बी कि बिधाता रहैऊआ आपणीं परज़ा लै तिन्‍नें दुशमणा लै सज़ा दैई झींण संघा करा तिन्‍नें गलामी का आपणीं परज़ा आज़ाद ज़िहअ बिधाता अश्शूरी लै किअ। बिधाता सका इहअ करी किल्हैकि सह करा पृथूई प्रैंदै राज़:

“बिधाता करा ज़ल़न, सह आसा परमेशर ज़ुंण बदल़अ लआ बिधाता छ़ाडा बदल़अ लणा लै आपणअ महान कोप संघा करा नसाफ। सह मालक दैआ तिन्‍नां लै सज़ा ज़ुंण तेऊ का नफरत करा तिन्‍नां लै पाआ सह आपणअ कोप। बिधाता का आसा महान बल, पर तज़ी बी करा सह सबर। दोशी लोगा निं सह सज़ा दैणैं बाझ़ी छ़ाडदअ। तेऊए एछणैं करै एछा बडी कुर्लू बागरी अर तफान, बादल़ आसा तेऊए खूरा हेठै धूल़ै ज़िहै।”

(1:2,3)

कताबे बांड

निनबे नगरी लै सज़ा 1:1-6

अश्शूर देशो बनाश बिधाते परज़ा लै आशा 1:7-15

अश्शूर देशे राज़धानी निनबे नगरीओ बनाश 2:1—3:19