मिका

मिका

बिधातो गूर मिका

भेत

लिखणैं आल़अ: मिका

सन: 730 का 650 ईसा आजी

ऐहा कताबा दी लिखअ द समाद आसा खासकर इज़राईल मुल्खे राज़धानी सामरी बस्सै दै इज़राईली लै अर यहूदा मुल्खे राज़धानी एरुशलेम नगरी बस्सै दै इज़राईली लै। इना दुही राज़धानी ए कार-करिंदै अर सैणैं डाहै आपणैं-आपणैं मुल्खे परज़ा बिधाते च़ाकरी छ़ाडी होरी देअआ अर देबीए पूज़ा करदै लाई। होर ता होर इनै ठगै-लुटै रैनै-गरीब पठी। तैही ती बिधाता इना लै सज़ा लाई दी दैई।

पर बिधाता डाही एही ज़बान बी दैई कि आजू जाणी यहूदा अर इज़राईल मुल्खे परज़ा तेऊ बाखा लै फिरी। तेखअ करनी बिधाता आप्पै छ़ांटै दै राज़ै आपणीं परज़े एही फाज़त ज़िहअ फुआल आपणीं भेडा भाल़ा अर तेखअ हणीं सारै दी शांती:

“बिधाता करनअ देशा-देशे लोगो नसाफ, तेऊ करनअ दूर-दूर देशो फैंसलअ। तिन्‍नां लोगा बणाणैं आपणीं तलबारा गाल़ी करै हल़े लुहाल़, आपणैं बर्छ़ै गाल़ी करै बणाणीं तिन्‍नां दाची! तेखअ निं देशा-देशा आप्पू मांझ़ै जुध करनै, नां तिन्‍नां तेखअ जुध बिद्या शिखल़णीं। हर मणछ रहणअ तेखअ आपणैं दाखे बागा अर फेडूए बूटा हेठै निहंचै बेशी, तिन्‍नां निं कोह दुशमण डरैऊंदअ एछणअ। अह आसा स्वर्गे सारी सैने मालक बिधाते ज़बान।”

(4:3,4)

कताबे बांड

यहूदा अर इज़राईल मुल्खा लै सज़ा 1:1—2:11

आजू बी रहणीं आशा 2:12,13

मालका दैणीं कदुष्ट राज़ै अर झ़ुठै गूरा लै सज़ा 3:1-12

बिधातो नऊंअ भबन अर नऊंअ इज़राईल 4:1—5:15

इज़राईल आसा दोशी 6:1—7:7

देश फिरअ परमेशरा बाखा 7:8-20