यहूदा

यहूदा

यहूदा लिखी दी च़िठी

भेत

लिखणैं आल़अ: यहूदा

पहल़णैं आल़ै: विश्वासी टोली लै

सन: 67-80

यहूदे च़िठी थिई लिखी दी झ़ुठी शिक्षा दैणैं आल़ेए खलाफ चतैनगी दैणा लै, किल्हैकि कई लोग करा तै होरी सम्हनै मसीहा दी विश्वास करनैओ दखाअ पर असली दी निं तिंयां विश्वासी हंदै तै। ऐहा होछ़ी ज़ेही च़िठीए खास गल्‍ल आसा पतरासे दुजी च़िठी ज़िहअ, एथ करा लिखणैं आल़अ आपणैं पहल़णैं आल़ै ऐहा गल्‍ला लै दिल भरी, “तेऊ विश्वासा लै करा पूरी कोशिश ज़ुंण पबित्र लोगा लै एकी ई बारी आसा सभाल़अ द।”

यहूदा मकेरा एक शोभली प्राथणां लिखी ऐहा च़िठी:

“सिधअ परमेशर ई आसा एक्‍कै ज़ुंण तम्हां का ठोहल़ लागणै का बच़ाऊई सका। परमेशर सका तम्हां नर्दोश अर खुश करी ज़ेभै सह तम्हां आप्पू सम्हनै आपणैं प्रतप्पा दी खल़ै करे। तेऊ बच़ाऊऐ हाम्हैं प्रभू ईशू मसीहा करै। प्रतप्प, राज़ अर अदर आसा पैहलै ई का तेऊए, आझ़ बी आसा तेऊए ई अर आजू बी रहणीं सारी सदा लै तेऊए ई।”

(24,25)

कताबे बांड

भेत 1,2

झ़ुठै सखाऊंणै आल़ैओ च़ाल-च़लण, शिक्षा अर अंत 3-16

विश्वासा बस्सणे चतैनगी 17-23

बर्गत बैण 24,25