जोना

जोना

बिधातो गूर जोना

भेत

लिखणैं आल़अ: जोना

सन: 793 का 450 ईसा आजी

जोना गूरे अह कताब निं होरी गूरे कताबा ज़ेही आथी, किल्हैकि एथ आसा सिधअ इहअ खोज़अ द कि बिधाते एकी जोना नाओंए गूरै किज़ै प्रच़ार किअ। अह कताब खोज़ा तेऊए बारै इहअ कि जोना किहअ हुअ बिधाता लै नशूण अर सह निं निनबे नगरीए लोगा लै चतैनगी दैंदअ डेऊअ, ज़सरअ बनाश त हणैं आल़अ। जोना च़ाहा त इहअ कि अश्शूर देशे राज़धानी निनबे नगरीओ बनाश लोल़ी हुअ, किल्हैकि तिंयां तै इज़राईलीए दुशमण। पर बिधाता नैरअ जोना अर खिरी पजैल़अ सह निनबे नगरी संघा खोज़अ तेऊ बिधातो समाद सोभी का।

ऐहा कताबा पहल़दी समझ़ा कई लोग सिधअ एचल़ी कि जोना किहअ पाअ बडी म्हाछ़ली घुटी, पर ऐहा कताबो समाद आसा इहअ कि बिधाता करा सोभी लै झींण अर सह च़ाहा सोभी बच़ाऊंणअ, ज़िहअ जोना बोला बी:

“तूह आसा खास्सअ झणैल़ू अर तूह करा सबर। तूह करा कबल्‍ली झ़ूरी अर तूह निं कोही लै सज़ा दैणीं च़ाहंदअ।”

(4:2)

कताबे बांड

जोना निं हुकम मनअ 1:1-14

बडी म्हाछ़ली घुटअ जोना 1:15, 16

निनबे नगरी खोज़अ जोना समाद 3:1-10

परमेशरे झींण भाल़ी हुअ जोना नराज़ 4:1-11