हगाई

हगाई

बिधातो गूर हगाई

भेत

लिखणैं आल़अ: हगाई

सन: कोई 520 ईसा आजी

अह कताब ज़ाण्हिंआं तेऊ ज़मानै लिखी दी ज़धू यहूदी बाबेल देशे गलामी का छ़ुटी यहूदा मुल्खै पुजै। यहूदी सैणैं तै खास्सै सेठ पर परज़ा मांझ़ै तै आम लोग गरीबी दी खरी काटदै लागै दै कि किहअ करै तिंयां आप्पू ज़िऊंदै रहे! बिधाता बोलअ हगाई गूरा लै कि लोगे अह खरी आसा एता पिछ़ू कि बिधातो भबन निं अज़ी बी भिई च़िणअ। तिन्‍नां निं बिधाते भबने परबाह आथी नां अदर करदै! अह गल्‍ल शुझिआ एही कि तिंयां निं बिधातो अदर करदै। तैही निं बिधाता तिन्‍नां लै बर्गत दैनी।

तेखअ लागै लोग बिधाते भबना च़िणने कामां करदै अर बिधाता बी दैनी तेखअ तिन्‍नां लै खास्सी बर्गत संघा किऐ तिंयां हर गल्‍ला लै भरै-पूरै किल्हैकि तिन्‍नैं किअ तेखअ तिहअ ई ज़िहअ बिधाता बोलअ त:

“ऐबै डेओआ उझै धारा लै खराल़ै पाई, तिधा का आणा मेरै भबना भिई बणाणां लै काठ काढी। ज़ै तम्हैं इहअ करे, तै हणअ हुंह खुश, अर तेता करै हणअ मेरअ अदर।”

(1:8)

कताबे बांड

बिधाता किअ भबना बणाणां लै हुकम 1:1-15

बिधाता दैनी बर्गत दैणें करार 2:1-19

बिधाता बोलअ सह हणअ जरूबाबेला संघै आप्पै 2:20-23