ዋሐንሳ ቆንጭ 17

ዳማ ኦላልዘ ማችቶ

1ላፑን ጹእቶ አይክደ ላፑን ኪታንቹንፓ ፈታይ ታጎ ይእ፥ «ዮኦ፤ ጋማ Ꮉላ አፋ በትደ ዳማ ኦላልትላ ዮኦደስ የዘ ፍርዳ ታ ነና ቤሳዳ።1 2አላመ ካቱን ኢራ ኦላልዳ፤ አላመ የዘ አሱን እ ኦላለ ዎይንዛ ኡዢ ማንትዳ» ያጋይዳ።2

3የ ኪታንችዘ ታና ጌሽ አያናራ አኮ ባይዘ ሳአ ካንግዳ። የይጋ ፈቲ ማችታ ጫሽ ሱን ኩምደ፥ ላፑን ኦማን ታጵ ጉሙር የዘ ዞቆ ጾ ቶግዳኖ ብእዳ።3 4ይና ማችታ ቦንቾ ማኦን ዞቆ ማኦ ማእዳ፤ እዛ ዎርቃራ፥ ቦንቾ ሹቻራን እንቆ ጋዘ አልኦ ሹቻራ ሹርንትዳ። እዛ ፋ ኩሽተ ቦርስዘባዝን ኦላለ ቱናራ ኩምደ ዎርቃ ጹአ አይክዳ።4 5እ ስንተ አችንትደ ሱን፥ «ዳማ ባብሎነ፥ ኦላለስን ሳአ የዘ ቱና ባዝ ኡባስ እንዶ» ያጋዘ ጹፈ ጻፍንት የነ። 6ማህ ይና ማችታ ጌሹን ሱን የሱሳስ ማርክተራ Ꮉይቂዱን ሱቶ ኡዢ ማንትዳኖ ታ ብእ ጋማ ቆፕዳ።

7ኪታንችዘ ታጎ፥ «ኔኒ አኮስ ጋማ ቆፐ? ታኒ ኔስ ማችት ጋ ቆፋን እዛ ቶክደ ላፑን ኦማን ታጵ ጉሙር የዘ ጾዘስ ጋ ቆፋ ኦሆዳ። 8ኔኒ ብእደ ጾዘ ቲኖ የነ፥ Ꮉተ ባያ። የ ጾዘ ዳማ ኦላፓ ከዚ ቦደስ ቅቶዳ። ሳአ መንትዳንፓ አይኪ፥ ደኦ ማጻፍተ ኡን ሱንታ ጻፍንትካይዘ ሳአ የዘ አሱን ጾዛ ብእ ጋማ ቆፕዳ። ይኬ፥ ኤ ቲኖ የነ፤ Ꮉተ ባያ፥ የዝን ቲኖስ ዮኦዳ።5

9«ጭንጫትን ቆፋ ኮሽዘ Ꮉነ። ላፑን ኦሙን ማችታ በትደ ላፑን ደሩንና፤ የንስ ማህ ላፑን ካቱንና። 10ኡንታፓ እችን ካቱን ጎልእዳ። ፈታይ Ꮉይኖ የሎደስ አሃነ፤ Ꮉንካይ Ꮉጋ ይእካያ። ኤ ይእ ኤራ ዎደ ጋምኦደስ ቤዛነ። 11ቲኖ የዝደ ጾዘ፥ Ꮉተ ባይዛይ፥ ኤ ፋ ኦምተ ኦስፉን ጾ። ኤ ላፑን ጾንፓ ፈታያ፤ ኤ ቦደስ ቅታነ።

12«ኔኒ ብእደ ታጵ ጉሙሩን አሄ አይክካይዘ ታጵ ካቱንና። የዝን ኡን ጾዘራ ዎላ ፈቲ ሳተ ካእት አሆደስ ኡንትስ አደት ዎልቃ እንግንቶዳ።6 13ኡን ኡቡንስ ፈቲ ቆፋ የነ፤ ኡን ፋ ዎልቂቶን ፋ አደት ዎልቅቶ ጾዘስ እንጎዳ። 14ኡን ዱርዘራ ኦልንቶዳ፥ የዝን ዱርዘ ላን ላያ ካቱን ካታያ ማቅደ ግሾ ኤ ጼግዱን፥ ዶርዱንን አማንንትዱን የን ካቱንና ኤራ ጋሞዳ» ያጋይዳ።

15ኪታንችዘ ማህ ታጎ፥ «ኦላልታ በትደ የ ኔኒ ብእደ Ꮉታ ዎርዡን፥ አሱን፥ ኮችን ዱማ ዱማ ዶናራ ኦህዙንና። 16ማህ ነ ብእደ ታጵ ጉሙሩንን ጾዘ ኦላለ ማችቶ እጾዳ። ኡን ኢስ የዘ ኡባባዝቶ ኤኮዳ። ማህ እዞ Ꮉሪ አሾዳ እ አሽቶ ሞኦዳ፤ ይንፓ እዞ ታማ ምቾዳ። 17ይኬ፥ ጾዘ ቃልታ ፎልንቶደ ዎንስ ኡን ቆፍታ ፈቶ ማቃደ ፋና ካእቱሞ አደት ዎልቅቶ ጾዘስ እንጎደ ፋና ጾዚ ቆፕዳኖ ኡን ኦቾደ ፋና ኡን ዎዝንተ ጾዚ አሞተ ጋድዳ። 18የ ነ ብእደ ማችታ ሳአ ካቱንላ ካእትዘ ዳማ ካታምቶ» ያጋይዳ።