ዋሐንሳ ቆንጭ 14

ዱርዛን 144,000 አሱንና

1ዱርዘ ጽዮነ ደርዘላ አፋ ኤቀዝን ብእዳ። ኤራ ኤ ሱንታን ኤ አዳይ ሱንታ ኡን ስንተ ጻፍንትደ፥ 144,000 አሱን የነ።1 2ሳሎፓ ዳማ Ꮉ ጉመን ዳዳ ገ ኦ አዝዛ ስእዳ። ማህ ታ ስእደ ይና ኦታን ዲ ዲጾደራ ስንትዘ ግርስ ፋና። 3አትደ 144,000 አሱን አራትዘ ቲኖ፥ ኦይዲ መቱን ቲኖን ጭሙን ቲኖ ኤቅደ ኡንታፓ መለ ኦደን ታማሮደስ ዳንዳኦሰ ክለ ማዝሙረ የጽዳ። 4የንስ ማችራ ፋና ቱንዝካይዛራ ናግደ ጌሹንና። ኡን ዱርዘ Ꮉንግዘ በሳ ኡባ ካላነ። ኡን ጾዘስን ዱርዘስ አንግስ ማቂ፥ ሺቆደስ ሳአ አስ ግዳፓ ዎዝንትዳ። 5ኡንታላ ዎርዶን ቦረ ባያ።2

Ꮉይ ኪታንቹንና

6ይንፓ ሱባ፥ መዽና ዎንገለ ሳአላ አፋ የዘ ካእቱሞ ኡባስ፥ ኮች ኡባስ፥ ዱማ ዱማ ዶና ኡባስን ዱማ ዱማ ባጋ ኡባስ ማርክደስ ሳሎራ ፍርዘ መለ ኪታንቾ ብእዳ። 7የ ኪታንችዘ ፋ ቃልቶ ቅ ዪዚ፥ «ጾዚ አላመ ፍርድዘ ሳታ የልደ ግሾ ጾዝስ ዣሽቶተ፤ ኤዛ ቦንቾተ። ሳሎ፥ ሳአ፥ አባን Ꮉ ኣፈ መደ ጾዛ ጎይኖተ» ጋይዳ።

8ቲኖያ ካሊ መለ ላምእን ኪታንችዘ፥ «ዎርዣ ኡባ ቱናራ ማዘ ዎይነ ኡሽደ፥ ዳማ ባብሎነ ጎልእዳ! ጎልእዳ!» ያጋእ ኡክዳ።3

9Ꮉይን ኪታንችዘ ኡንታና ካሊ፥ ፋ ቃልቶ ቅ ዪዚ፥ «ጾዛን ኤ ምስልቶ ጎይንዘ ማህ ኤ ማልቶ ፋ ስንተ ዎይ ፋ ኩሽተ ጋድደ ኦደን የዝኮ፥ 10ኤ Ꮉንቆ ጹአ ኩምደ ጾዘ Ꮉንቆ ዎይነ ኡሻዳ። ኡን ጌሽ ኪታንቹን ቲኖን ዱርዘ ቲኖ ኤጽዘ ዲነ ታማ ዋይንቶዳ።4 11ኡን ዋይንትዘ ታምት ጩግታ መ መናስ ጩግተራ የሳዳ። ጾዛን ኤ ምስልቶ ጎይንዘን ማህ የ ጾዘ ሱንት ማላ የዘ ኦደን ቃማን አዋራ ሸምፖ ባይ ካእንቶዳ» ያጋይዳ።5

12ጾዘ ኪታ ናግዙንን የሱሳ አማኒ ገንጭዙን ጌሹን ዳንዳእታ ይነ።

13ይንፓ ሱባ፥ «ይኬፓ ላራ Ꮉይቅዙን አንጅንትዱንና» ያጋዘ ቃላ ሳሎፓ ስእዳ፤ Ꮉኖ ጻፎ።

አያና፥ «ዬ ቱሮ፥ ኡን ኦችታ ኡንታና ካልደ ግሾ ኡን ፋ ዋይትፓ ሸምፖዳ» ያጋነ።

ካ ሺሽዘ ዎደ

14ይንፓ ሱባ፥ ቦ ነላ አፋ በትደ አስ ናአ አዝዛያ ብእዳ። ኤ ፋ ኦምተ ዎርቃ ዛዉደ ጋድዳ፤ ማህ ፋ ኩሽተ ኦጮ ባጫ አይክዳ።6 15መለ ኪታንቾ ጾዘ ኬፓ ከዚ፥ ነላ አፋ በተዘጎ ፋ ቃልቶ ቅ ዪዚ፥ «ባሀ ሺሽዘ ዎደ የልደ ግሾ ነ ባጫ ኤኪ ባህቶ ማንኦ፤ ጋድተ የዘ ባህታ ቦትዳ» ጋይዳ።7 16ነላ አፋ በትደ ፋ ባጫ ጋደ ዳኪ፥ ጋደ የዘ ባህቶ ማንእዳ።

17ማህን ሳሎ የዘ ጾዘ ኬፓ መለ ኪታንቾ ከዝዳ፤ ኤስን ኦጮ ባጫ የነ።

18ታማላ አፋ አደት ዎልቃ የዘ መለ ኪታንቾ ዣርሾ በሳፓ ከዝዳ። ኤ ፋ ቃልቶ ቅ ዪዚ ኦጮ ባጫ አይክደ ኪታንችዘጎ፥ «ዎይነ ኣፍታ ዲልደ ግሾ ነ ኦጮ ባጭዛ ኤኪ፥ ጋደ የዘ ዎይንትፓ ዣንግቶ ጋቾ» ያጋይዳ። 19የ ኪታንችዘ ፋ ባጭዛ ኤኪ፥ ጋደ የዘ ዎይንትፓ ጋቺ፥ ጾዘ ዳማ Ꮉንቆ ጭጭዘ በስተ ኦልዳ። 20ይና ዎይነ ኣፈ ጭጭዘ በስታ ካታማፓ ጋጻ የንትዳ። ሱ ዎይነ ጭጭዘ በሳፓ ከዚ Ꮉይ ጼት ክሎ ምትረ ፋና Ꮉኪ፥ ፋራ ብጻለ የሎደ ፋና ኤሊ ቅ ጋይዳ።8