ማርቆሳ 6

የሱሳ ናዝረተ እጽንትዳ

(ማቶ. 13:53-58፤ ሉቃ. 4:16-30)

1የሱሳ እዝፓ ኬዚ፥ ፋ ታማሩንና ካል፥ ፋ ካታማ ናዝረተ ይእዳ። 2ሳምባታ ዎደ አይሁደ ዎሳ ኬ ታማርሰ አይክዳ። ኤ ታማርስዛኖ ስእደ ጋማ አሱን ጋማ ቆፒ፥ «Ꮉይ Ꮉኖ ኡባ አባፓ ደንግዶ? Ꮉና ጭንጫትታ ኤስ አናፕ እንግንትዶ? Ꮉና ኤ ኩሽተ ኦችንትዘ ክለ ባዝቶ ኦችዘ ዎልቃ ኤስ ኦኒ እንግዶ? 3Ꮉይ አናጸ ናአ ባነ? ማይራም ናአ፥ ያይቆባ፥ ዮሳ፥ ይሁዳን ስሞና እሸ ባነ? ኤ ምሹን ኑራ Ꮉነ የዙንና ባነ?» ያጋእ፥ ኤ ጋዛኖ ስአንጽ እጽዳ።

4የሱሳ የን አሱንጎ፥ «ናበ ፋ ጋደ፥ ፋ እግኑን ግዳን ፋ ካራ አሱን ግዳ ቦንችንቶስ ፋትን መሉን ካለ ቦንችንታነ» ያጋይዳ።1 5ኤ ይና በስተ ፋ ኩሽቶ ኤራ አሱንላ አፋ ጋዲ ፋዳንፕ መለ ጋማ ቆፍዘ ባዝ ኦቾደስ ዳንዳእካያ። 6አሱን አማንካይዘ ግሾ ጋማ ቆፕዳ። ይንፓ ሱባ የሱሳ ይና ጉቱተ የዘ አሱንና ታማርሳነ።

የሱሳ ታጶ ላምእ ታማሩንና ኪትዳ

(ማቶ. 10:5-15፤ ሉቃ. 9:1-6)

7የሱሳ ታጶ ላምእ ታማሩንና ፋጎ ጼጊ፥ ላምእ ላምእ ማህ ኪትዳ። ኡንትስ ቱና አያናላ አደት ዎልቃ እንግዳ። 8ኡንታና፥ «ኦገስ ጉፈፕ አትን ካ፥ ካርጥተ፥ ይን ኪስተ ብራ አኮ ባዝን አይክፐተ።2 9ይን ቶህተ ጫማ ኣተ፥ ፋትን ላምእ አፉላ አይክፐተ» ያጋይዳ። 10ማህን፥ «ይንታና አስ ሞክዘ ኬ አባ ማቅኮን ይና በስትፓ ኬዚ ቅቶደ ዎንስ ይና ኬተ ጋምኦተ። 11ይንታና አስ ሞኮሰ በሳ ዎይ ይን ኦህዛኖ ስኦሰ በሳ አባን ማቅኮ፥ ይና ሳእተ የዘ አሱንስ ይን ማርካ ማቃደ ጋር ይና በስትፓ ከዝተራ፥ ይን ቶህተ የዘ ጹርቶ ፍጾተ» ያጋይዳ።3

12ታጶ ላምእ ታማሩን Ꮉንግ፥ አሱን ፋ ናጋርትፓ ማቃደ ጋር ቃላ ኦህዳ። 13ኡንቲ አሳፓ ጋማ ቱና አያና ከስዳ። ጋማ Ꮉርግንትዙንና ዛይተ ትዢ ፋዳ።4

ጻማቅዘ ዋሐንሳ Ꮉይቆ

(ማቶ. 14:1-12፤ ሉቃ. 9:7-9)

14የሱሳ ሱንታ ኡባ በሳ ከዝደ ግሾ ካት ሄሮድሳ ኤ ባዝ ስእዳ። ፈቲ ፈቲ አሱን፥ «ጻማቅዘ ዋሐንሳ Ꮉይቆፓ ደንድዳ፥ ይኒ ግሾ Ꮉና ክለ ባዝቶ ኦችዘ ኤዛ» ያጋይዳ።5

15ባጉን፥ «Ꮉይ ኤልያሳ» ያጋይዳ።

መሉን ማህ፥ «Ꮉይ ዛጋ ዎደ ናቡንፓ ፈታያ» ያጋይዳ።

16የዝን ሄሮድሳ ይኖ ስእደ ዎደ «Ꮉይ ታኒ አፉርቶ ጋችዝደ ጻማቅዘ ዋሐንሳ። ኤ Ꮉይቆፓ ደንድዳ» ያጋይዳ።

17ሄሮድሳ ፋ እሸ ፍልጶሳ ማችቶ ሄሮድያዳ ኤክደ ግሾ እ ምክናትስ ዋሐንሳ አይ አጭዝዳ። 18ዋሐንሳ ሄሮድሳጎ፥ «ኔኒ ነ እሸ ማችቶ ኤኮደስ ቤዞስ» ያጋይዳ።6

19ሄሮድያዳ ዋሐንሳ ፋ ዎዝንተ እጺ ኤዛ ዎዽሳደስ ኮይዳ፥ የዝን ዳንዳእካያ። 20ዋሐንሳ ጽሎን ጌሽ አስ ማቅዳኖ ሄሮድሳ ኤርደ ግሾ ኤስ ዣሽቲ ሎይ ናግዛነ። ሄሮድሳ ዋሐንሳ ጋዘ ባዝ ስእዘ ዎደ ታናነ። የዝን ኡፋይት ስእነ።

21ሄሮድሳ ፋ የልንትደ ቃምቶ ቦንቾደስ ጋደ አህዙንና፥ ሻላቁንስን ጋልላ የዘ ዳማ አሱንስ ድግሳ ጊግዝዳ። ይና ሄሮድያዳስ ዎትዘ ዎደ ማቅዳ። 22ሄሮድያዳ ናእታ ዛቁን ሞኩንትዘ ኬ ገሊ ዱሪ፥ ሄሮድሳን ኤ ዛቁንና ኡፋይስዳ። ካትዘ ናትጎ፥ «ነ ኮይዘ አኮ ማቅኮን ታና ኦጮ፥ ታ ኔስ እንጎዳ» ያጋይዳ። 23ማህ ኢስ ጫቂ፥ «ኔኒ ኦጭዘ አኮ ማቅኮን፥ ታኒ ኔስ እንጎዳ። መለ አቶ የዝን፥ ታ ካእቱምት ባግቶ ማቅኮን ታ ኔስ እንጎዳ» ያጋይዳ።

24ናታ ባለ ኬዚ ፋ እንትጎ፥ «አኮ እንጎ ጋዉነ?» ጋእ ኦጭዳ።

እ እንታ፥ «ጻማቅዘ ዋሐንሳ ኦምቶ እንጎ ጋኦ» ያጋይዳ።

25ናታ ኤልሲ ካትዘጎ Ꮉንግ፥ «ጻማቅዘ ዋሐንሳ ኦምቶ ሳነ ግዳ ጋዲ Ꮉተ ታስ እማደ ጋር ኮያነ» ያጋይዳ።

26ያጋእን ካትዘ ጋማ ዥልዳ፥ የዝን ፋ ዛቁን ግሾ ኢስ ጫቂደ ፋ ጫቅቶ አሾደስ ኮይካያ። 27ይኒ ግሾ፥ ኤልሲ ናግዘጎ ዋሐንሳ ኦምቶ ኮኦደ ጋር ኪትዳ። ናግዘን አች ኬ Ꮉንግ ዋሐንሳ አፉርቶ ጋችዳ። 28የ ጋችንትደ ኦምዛ ሳነ ግዳ ጋዲ ክእ ናትስ እንግዳ። ናታ ማህ ፋ እንትስ እንግዳ። 29ዋሐንሳ ታማሩን ይኖ ስእደ ዎደ Ꮉንግ ኤ አህቶ ኤኪ ካንግ ሞግዳ።

የሱሳ እችን ሙኩል አሱንና ሙዝዳ

(ማቶ. 14:13-21፤ ሉቃ. 9:10-17፤ ዋሐ. 6:1-14)

30ታጶ ላምእ ሐዋሩን ማቂ ይእ ኡን ኦችዳኖን ታማርስዳኖ ኡባ የሱሳስ ኦህዳ። 31ኡንታጎ ይእዘ አሱንን ቅትዘ አሱን ጋንግደ ግሾ የሱሳራን ኤ ታማሩንራ፥ መለ አቶ የዝን ካ ማደስን ኡንታና የልንጽ እጽዳ። የይን፥ የሱሳ ኡንታጎ፥ «የኦተ ዎላ ኤራ ሸምፖደስ አስ ባይዘ በሳ የተ» ያጋይዳ። 32ይኒ ግሾ፥ ኡንቲ ፋ ፋስ ጎንገ ገሊ አስ ባይዘ በሳ ቅትዳ።

33ኡንቲ Ꮉማደራ ጋማ አሱን ኡንታና ብእ ኤርዳ። የዝን፥ ካታማ ኡባፓ አሱን ቶሄራ ዎጺ Ꮉንግ ኡን ቅትዘ በስቶ ኡንታፓ ቲኒ የልዳ። 34የሱሳ ጎንግዘፓ ዎ ጋማ አሱንና ብእዳ። አሱን የንግዘ አስ ባይዘ ዱሮ ፋና ማቅዳኖ ብእ ኡንትስ ይቅስንቲ ኡንታና ጋማ ባዝ ታማርስዳ።7

35ሳእታ ኡጉርዘ ዎደ የሱሳ ታማሩን ኤጎ ይእ፥ «Ꮉና በስታ አስ ባይዘ በሲ፤ Ꮉተ ሳእታን ቃምዳ። 36አሱን ካራ ጋንጨን ካታማ Ꮉንግ ፋስ ሙእዘ ባዝ ዎንጎደ ጋር አሱንና ዳኮ» ያጋይዳ።

37የዝን የሱሳ ማህ ኡንታጎ፥ «አሱንስ ሙእዘ ባዝ ይን እንጎተ» ያጋይዳ።

ኡን፥ «ኑኒ Ꮉንግ ላምእ ጼት ድናረር8 ቦራ ዎንግ አሱንና ሙዞደ ጋር ኮያነ?» ያጋእ ኦጭዳ።

38የሱሳ ኡንታጎ፥ «ይንትስ ዋን ቦራ የዘ? አነ Ꮉንግ ቦኦተ» ያጋይዳ።

ኡንቲ ብእ፥ «እችን ቦራን ላምእ ሞሎን» ያጋይዳ።

39የሱሳ ፋ ታማሩንጎ አሱንና ኡባ ጋቾ ጋቾ ታጊ በትደ ጋር ኪትዳ። 40አሱን ባግታ ጼት፥ ባግታ እችንታም ማቂ ልከራ ልከራ ታግንት በትዳ። 41የሱሳ እችን ቦርቶን ላምእ ሞሉንና ኤኪ፥ ኡደ ሳሎ ብእ ጾዝ ጋላትዳ። ቦርቶ ባጽ አሱንስ የልደ ጋር ታማሩንስ እንግዳ። ማህ ላምእ ሞሉንና ኡን ኡቡንስ ግሽዳ። 42አሱን ኡባ ሙእ ምዥዳ። 43አትደ ቦራ ጉፋን ሞሎ ጉፋን፥ ኤ ታማሩን ታጶ ላምእ ሌማተ ኩሙ ደንዳ። 44ቦርቶ ሙእደ ራ አሱን ጻላላ እችን ሙኩል ማቃዳ።

የሱሳ አባላ አፋ የዳ

(ማቶ. 14:22-33፤ ዋሐ. 6:15-21)

45ኤልሲ የሱሳ ፋ ታማሩን ጎንገ ገሊ፥ አባፓ ሰኮ ፍን የዘ ቤተሳይዳ ፋፓ ቲኒ ቅቶደ ጋር ኪትዳ። የዝን ፋስ አሱንና ሞይዞደስ ሱብ አትዳ። 46አሱንና ሞይዝዳንፓ ሱባ ጾዝ ዎሶደስ ደረላ አፋ ከዝዳ።

47ሳእታ ቃምዘ ዎደ ጎንግዘ አባ ግዳ የነ፥ የዝን የሱሳ አባፓ ጋጻ ፋስ የነ። 48ባቆ ኤ ታማሩንጎ ባቅዘ ግሾ አባ ፍዽዛና ዋይስዛኖ የሱሳ ብእዳ። ዎንት ማ ሉኩለ ኦሎደስ ይእዘ ዎደ ኤ አባላ አፋ የተራ ኡንታጎ ይእ፥ ኡንታና ኦሊ አደስ ኮይዳ። 49የዝን ኤ አባላ አፋ የደራ፥ ኡን ብእ፥ ኡንትስ ሜሸ አዝን ዉይስዳ። 50ኡን ኡቡን ኤዛ ብእ፥ ዣሽሞራ ታንዳ።

የዝን የሱሳ ኤልሲ ኡንታጎ፥ «ታና፥ አኮን ባያ፤ ዣሽትፐተ» ያጋይዳ። 51ኤ ጎንገ ገሊ ኡንታራ ዎላ በትን ባቅታ ዎፑ ጋይዳ። ኡንቲ ጋማ ቆፕዳ። 52ኡን ዎዝንታ ዶጭደ ግሾ ኡን ቦርቲ ባዝ ቲሪካያ።

የሱሳ ጌንሳሬጠ Ꮉርግንትዙንና ፋዳ

(ማቶ. 14:34-36)

53ኡንቲ አባ ፊንግ፥ ጌንሳሬጠ ሳአ የሊ፥ ጎንግዛ ጋጻላ ሺሺ አጭዳ። 54ኡንቲ ጎንግዘፓ ዎዘ ዎደ አሱን ኤልሲ የሱሳ ኤርዳ። 55ኡንቲ ካራ ጋንጨ የዘ ሳአ ኡባ ዎጺ የሊ Ꮉርግንትዙንና ሻንቻፋራ ቶኪ፥ «የሱሳ የነ» ጋእን ስእደ በስተ ክእዳ። 56አሱን ኤ Ꮉንግደ ኬ ኡባ፥ ጋጻረ ማቅኮን፥ ካታማ፥ የዘ Ꮉርግንትዙንና አስ ሺቅዘ በሳ ካንጋነ። Ꮉርጋንቹን ኤ አፉላ ማጫርቶ ማቅኮን ቦቾደ ጋር አሱን ኤዛ ዎስዳ። ቦችደ ኡቡን ፋጽዳ።