ክለ ጫቆ
ሉቃሳ 1
ቦንቾ ተዎፍሎሳ፥ ኑ ግዳ ፎልንትደ ባዝስ ጋሙን፥ ፋስ ዳንዳእንትደ ጋር ጻፍዳ። ይና ታሪክቶ ኡን ጻፍዳና ቲኖፓ አይኪ ኣፈ ማርኩንን ቃላ ጻፊ ኑስ ኦህዳኖ። ታንን ታ ባጋራ ቲኖፓ ቆፒ ብእዳንፓ ሱባ ይና ታሪክታ Ꮉንዳኖ ሉልዚ ኔስ ተዎፍሎሳስ ጻፍዛና ታስ ሎኦ ማቂ በንትዳ። ይናን፥ ነ ታማርዳና ቱሮ ማቅዳኖ ኤርሶደስ።
ጻማቅዘ ዋሐንሳ የልንተ
ይሁዳ ካት ሄሮድሳ ዎደ አብያ ባጋፓ ማቅደ ዛካርያሳ ጋዘ አይሁደ ካህነ የነ። ኤ ማችታን አሮና ኮቻፓ። እ ሱንታን ኤልሳቤጦ።1 ላምኡንን ላ ዎጋን ኪቶ ኡባ ናጊ ቦረ ባይዝን ጾዘ ቲንተ ጽሎትራ የዝዳ። ይኦፕ አትን ኤልሳቤጣ ኦን ማቅደ ግሾ ኡንትስ ናአ ባያ። ላምኡንን ጭንግዳ።
ፈቲ ዎደ ዛካርያሳ ፋ ታርቲ ወደ ጾዘ ቲኖ ካህነትራ ኦቻነ። ካህነት ዎጋራ ጾዘ ኬ ገሊ እጻነ ጩግሳደስ ኤዛ እጻ የልዳ። እጻነ ጩግዘ ዎደ አሱን ኡባ ባለ ዎሳነ።
ላ ኪታንችዘ ዣርሾ ዣርሽዘ በስትፓ ምዛቅ ዛላራ ኤቂ በንትዳ። ዛካርያሳ ኤዛ ብእ ታኒ ጋማ ዣሽትዳ። የዝን ኪታንችዘ ኤጎ፥ «ዛካርያሳ ዣሽትፐ፤ ነ ዎስታ ስንትዳ። ነ ማችታ ኤልሳቤጣ ራ ናአ የሎዳ፥ ኤዛ ዋሐንሳ ጋእ ነ ሱንዳ። ኤ ኔስ ዋሎን ኡፋይስ ማቃዳ፤ ጋሙን ኤ የልንተ ኡፋይቶዳ። ላ ቲኖ ኤ ዳማ ማቃዳ፤ ዎይነ ኡሺ ማቅን መለ ማዘ ኡሺ ኡዣማ። ፋ እንቲ ሳዝተ የዛራ ጌሽ አያናራ ኩሞዳ።2 እስራኤለ አሱንፓ ጋሙንና ፋ ላ፥ ጾዘጎ ማሆዳ። አዱን ዎዝንቶ ናኡንጎ ማሆዳ፥ ኪትንቶሱንና ጽሎት ጭንጫትጎ ማሆደ ጋር፥ ላስ ኮሽዘ ዎርዣ ጊግሳደስ ኤልያሳ አያናራን ዎልቃራ ላ ቲንተ Ꮉማዳ» ያጋይዳ።3
ዛካርያሳ ኪታንችዘጎ፥ «ታ ይኖ አኮራ ኤሮደ? ታራን ታ ማችትራ ጭንግዳ» ጋይዳ።
ኪታንችዘ ማህ፥ «ታኒ ጾዘ ቲንተ ኤቅዘ ጋብርኤለ። Ꮉና ምስራችቶ ኔስ ኦሆደስ ጾዛፓ ኪትንትዳ።4 ይኬ፥ ዎድቶ ናጊ ፎልንቶደ ታ ቃልቶ ነ አማናንጽ እጽደ ግሾ Ꮉና ፎልንቶደ ዎንስ ነ ዶንታ ሙመ ማቃዳ፥ ኦህንቶደስን ነ ዳንዳአማ» ያጋይዳ።
የ ዎደ ዛካርያሳ ጾዘ ኬተ ገሊ ጋምእደ ግሾ አኮ ይእዶ ጋእ አሱን ባለ ናግተራ ጋምእዳ። ኤ ባለ ኬዚ ኡንታና ኦህሳደስ ዳንዳእካያ። ማላ ኩሸራ ቤዛንፕ አትን ኦህንቶደስ ዳንዳኦሳኖ ብእደ ዎደ ቆንጭ ብእዳኖ ኤርዳ።
ዛካርያሳ ኦቻ ዎድቶ ፎሊ ፋ ካራ ማቅዳ። ይንፓ ሱባ፥ ኤ ማችታ ኤልሳቤጣ ዎዳጽዳ። እችን አግና ኩሙ ፋና ጌን አስስ በንትካይዛራ ጋምእዳ። እዛ፥ «ላ ፋ ማሮትተ ታ ቶችቶ አስ ግዳፓ Ꮉሶደስ ብእ Ꮉና ዎድተ Ꮉኖ ታስ ኦችዳ» ያጋይዳ።
የሱሳ የልንቶዳና ቲን ኦህንትዳ
ኤልሳቤጣ ዎዳጽዳንፓ እዝፑን አግንተ፥ ጾዚ ኪታንቾ ጋብርኤለ ጋልላ ጋደ የዘ ናዝረተ ካታማ ኪትዳ። ኤዝን ዮሰፋ ጋዘ ካት ዳዉተ ኮቻፓ ማቅደ አስ ኦጭንትደ ዉዱርትጎ ኪትንትዳ። ይና ዉዱርታ ማይራሞ ጋእንታነ።5 ኪታንቾ ኢጎ Ꮉንግ፥ «ጋማ ካንትዳነ፥ ሳሮ ኔስ ማቀ፥ ጾዚ ኔራ የነ» ያጋይዳ።
ማይራማ ኤ ኦህተ ጋማ ታኒ፥ «Ꮉና አኮ ሳር» ጋእ ቆፕዳ። ኪታንችዘ ማህ፥ «ማይራመ፥ ዣሽትፐ፤ ነ ጾዘ ቲንተ ናሾ ደንግዳ። ይኬ ነ ዎዳጾዳ ራ ናአ የሎዳ፥ ኤ ሱንቶን የሱሳ ጋእ ሱንዳ።6 ኤ ዳማ ማቃዳ፥ ኡባፓ ካታራ ጾዘ ናአ ጋእንት ጼግንቶዳ። ላ ጾዘ ኤ አዳይ ዳዉተ አራታ ኤስ እንጎዳ።7 ኤ ያይቆባ ኮቻላ አፋ መዽና ካእቶዳ፤ ኤ ካእቱምትስ Ꮉልኤ ባያ» ያጋይዳ።
ማይራማ ኪታንችዘጎ፥ «ይና ዋይዝ Ꮉኖደ? ታ ራራ የልንትካያ» ያጋይዳ።
ኪታንችዘ ማህ፥ «ጌሽ አያና ኔላ አፋ ዎዳ፥ ኡባፓ ካታራ ጾዘ ዎልቅታ ኔላ አፋ ሸምፖዳ። ይኒ ግሾ፥ የልንትደ ጌሽ ናአይ ጾዘ ናአ ጋእንቶዳ። ይኬ፥ ነ እግንታ ኤልሳቤጣ ፋ ጭማት ላይተ ራ ናአ ዎዳጽዳ። እዛ ን ጋእንትዳኖ፥ የዝን Ꮉተ እዝፑን አግና አይክዳ። ጾዛ ጋምዘባዝ ባያ»8 ያጋይዳ።
ማይራማ፥ «ዬዛኮ፥ ታኒ ላ አርትስ፥ ነ ቃልት ጋር ታስ ይኦ» ያጋይዳ። ይንፓ ሱባ፥ ኪታንችዘ ኢፓ ሻክንትዳ።
ማይራማ ይና ሳምንተ ደንዲ ይሁዳ ሳአ የዘ ፈቲ አለ ካታማ ቅትዳ። ዛካርያሳ ካራ ገሊ ኤልሳቤጦ ሳሮዳ። ኤልሳቤጣ ማይራማ ሳሮዛኖ ስእዘ ዎደ እ ሳዝተ የዘ ናአይ ኡፋይሳራ ዶልዳ። ኤልሳቤጣ ጌሽ አያናራ ኩሚ፥ ፋ ቃልቶ ቅ ዪዚ፥ «ኔኒ ማቹንፓ አንጅንትዳኖ፥ ነ ዎዳጽደ ናአይን አንጅንትዳያ። ይኦ የዝን፥ ታ ላ እንተ፥ ኔኒ ታጎ የኦደ ጋር ታ ኦደ? ይኬ ነ ሳሮትቶ ታ ስእዘ ዎደ ታ ሳዝተ የዘ ናአይ ኡፋይሳፓ ዶልዳ። ላ ፎሎዳ ጋእ እንግደ ቃልቶ አማንዳና፥ እዛ አንጅንትዳኖ» ያጋይዳ።
ማይራም ማዝሙረ
ማይራማ Ꮉኒ ጋራ ያጋይዳ፦
«ታ ሸምፕታ ላ ቦንቻነ፥9
ታ አያንዘ ጋላ ጾዘላ ኡፋይታነ።
ኤ ፋ አርቲ ቶችቶ ብእዳ።
Ꮉይኖፓ አይኪ የለት ኡባ ታና አንጅንትዳኖ ጋኦዳ።10
ዎልቃማ ማቅደ ኤ፥ ታስ ዳማ ባዝ ኦችዳ።
ኤ ሱንታ ጌሽ።
ኤዛ ቦንችዙንላ አፋ፥
ኤ ማሮትታ መናፓ መዽና የሎደስ።
ፋ ቀስተ ምን ባዝ ኦችዳ፥
ፋ ዎዝንተ ኡቱርትዙንና ላልዳ።
ዳማ ካቱንና አራትዘፓ ዎዝዳ፤
ፋ ኦምቶ ቶችዙንና ቦንችዳ።11
ናይዱንና ሎኦ ባዛራ ምሽዳ፥
የዝን ዱሩንና ካሎ ኩሸ ዳክዳ።
ፋ ማሮትቶ ቆፒ፥
ፋ አርዛ እስራኤለ ማድዳ።
ይናን ኑ አዱንስ ኦህደ ቃላ፥
አብራሃማስን ኤ ዛርትስ ጋእዳኖ መናስ ፎሎደስ»1213
ያጋይዳ።
ማይራማ ኤልሳቤጥ ካለ Ꮉይ አግና ጋር ጋምእ ፋ ካራ ማቅዳ።
ጻማቅዘ ዋሐንሳ የልንተ
ኤልሳቤጥስ የሎ ቃማ የልን ራ ናአ የልዳ። እ ዶንን እ እግኑን ላ ዳማ ማሮት ኦችዳኖ ስእ፥ ኢራ ዎላ ኡፋይትዳ። ኦስፉን ቃምተ ዦጋ ናአያ ጋራዞደስ ይእዳ። ኤ አዳይ ሱንተ ዛካርያሳ ጋእ ሱንደስ ኮይዳ።14 የዝን እንታ፥ «አደ፥ ዋሐንሳ ጋእንቶደስ ቤዛነ» ያጋይዳ። ኡንትን፥ «ነ እግኑፓ Ꮉይ ሱንራ ጼግንትደ ኦደን ባያ» ያጋይዳ። ኤ አዳይ ኦና ጋእ ሱንድ የዛኮ ኤሮደስ ኮይ ኤዛ ማላ ኦጭዳ። ኤ ጻፍዘባዝ ኦጪ ኤኪ፥ «ኤ ሱንታ ዋሐንሳ» ጋእ ጻፍዳ። ኡቡን ኤ ጻፍዳኖ ብእ ጋማ ቆፕዳ። ኢራ ዛካርያሳ እልአንታ ብልንትዳ፥ ጾዝ ጋላትተራ ኦህንተ አይክዳ። ዶን ኡባ ዣሽሞራ ኩምዳ። Ꮉና Ꮉንዳና አለ ይሁዳ ሳአ ኦህንትዳ። ይኖ ስኤዘ ኡቡን፥ «Ꮉይ ናአይ አኮ ይአድ የሳ?» ጋእ ፋ ግዳ ኦህንትዳ። ላ ኩሽታ ኤራ የነ።
ዛካርያሳ ትንቢተ
ዋሐንሳ አዳይ ዛካርያሳ ጌሽ አያናራ ኩሚ Ꮉኒ ጋራ ያጋእ ትንቢተ ኦህዳ።
«እስራኤለ ላ ጾዘ ጋላትንቶ፥
ይእ ፋ አሱንና ዎዝዳ።
ፋ አርዘ ዳዉተ ኬ
አቶት ዎልቃ ደንዳ።
ይናን ዛጋ ዎደ ጌሽ ናቡን ዶንተ ኦህንትዳን ፋና፥
ኤ አሽታ ኑ ሞርኩንፓን
ኑራ ኦልንትዘ ኡቡን ኩሽትፓ።
ይኖ ኤ ኦችዳና ኑ አዱንስ ፋ ማሮትቶ ቤሳደስን፥
ፋ ጌሽ ጫቅቶ ናጎደስ።
ኑ አዳይ አብራሃማስ ጫቂደ
ጫቅቶ ቆፖደስን
ኑ ሞርኩን ኩሽትፓ ኬሲ
ዣሽሞ ባይ ኤዛ ኪትንቶደ ፋና።
ኑ በርተ ኡባነ ጌሻትራን ጽሎትራ
ፋ ቲንተ ኑና ኤሶደስ።
ታ ናአዮ፥ ኔኒ ኡባፓ ካታራ ጾዘ ናበ ጋእንቶዳ።15
ላ ኦግቶ ሎይደስ ነ ኤ ቲንተ Ꮉንጎዳ።
ኡን ናጋርታ ኡጭንትን፥
ኡን አቶት ኤራ ደንጎዳኖ ነ ላ ዎርዥትስ ኦሆዳ።
ኑ ጾዘ ሎኦ ማሮትትፓ ደንዲ
ዎንታ ጻልቀ ኑስ ሳሎፓ ከዝዳ።
ይናን ማ ግዳን፥
Ꮉይቆ ዳሾ ኦሞ የዙንስ ፎእሳደስ፥
ኑ ቶህቶን ሳሮ ኦገጎ ማሆደስ»
ያጋይዳ።16
ናአይ ድጭዳ፥ አያናራ ምንግዳ፥ እስራኤለ አሱንስ በንቶደ ዎንስ አኮ ባይዘ ጋናሳ የዝዳ።
Source notes (16)
- Cross-reference 1 ዜና 24:10
- Cross-reference ፋይዶ 6:3
- Cross-reference ሚል. 4:5-6
- Cross-reference ዳነ. 8:16፤ 9:21
- Cross-reference ማቶ. 1:18
- Cross-reference ማቶ. 1:21
- Cross-reference 2 ሳመ. 7:12-13፥ 16፤ ኢሳ. 9:7
- Cross-reference መ 18:14
- Cross-reference 1 ሳመ. 2:1-10
- Cross-reference 1 ሳመ. 1:11
- Cross-reference ኢዮ. 5:11፤ 12:19
- Cross-reference 1 ሳመ. 2:1-10
- Cross-reference መ 17:7
- Cross-reference ሌዌ 12:3
- Cross-reference ሚል. 3:1
- Cross-reference ኢሳ. 9:2
ክለ ጫቆ. Copyright © 2025 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.