ሴፋንያ 2

ይሁዳፊ ዬሩሳሌም ሰቦተ ወሊን እት ሙርቴፈሜ

ይሁዳን አከ ቀልቢ ጅጂረቱፍ አኬከቺፈሜ

1ያ ሰበ ቃኒ ህንቀብኔ፣

ወልት ቀበማ፤ ወልት ቀበማ፤

2ኡቱ ዬሮን ሙርታኤ ሱን ገኤ

ጉያን ሱን አኩመ ሀበቂት እስን ህንሀጣእን፣

ኡቱ ኣሪን ዋቀዮ እን ቦበኣን ሱን

እስንት ህንዹፍን፣

ኡቱ ጉያን ዼከምሰ ዋቀዮ

እስንት ህንዹፍን ወልት ቀበማ።

3እስን ገራሞን ለፋ

ከኔን ዋን እን አጀጁ ሆጄተን ሁንድ // ዋቀዮን በርባደዻ።

ቀጄሉማ በርባዳ፤ ገድ ኦፍ ቀቢሰ በርባዳ፤

እስን ጉያ ዼከምሰ ዋቀዮት

ንጎልቦበምቱ ተኣቲ።

ፍልስጤም

4ጋዛን ዱዋ ሀፍት፤

አሽቀሎንሞ ንኦንት።

ሰብን አሽዶድ ጉዩመ ሳፋዻን አርአሜ በአ፤

ኤቅሮንሞ ንቡቅፈምት።

5ያ ኬሬቶተ ቀርቀረ ገላና ጅራተን፣

እስኒፍ ወዮ፤

ያ ከነኣን፣ ብየ ፍልስጤሞታ፣

ዱቢን ዋቀዮ አከነ ጄዼ ስት ዹፌረ፤

“አን ስን በርበዴሰ፤

ነምን ቶኮዩ ህንሀፉ።”

6ብይ ቀርቀረ ገላና፣

እዶን ከሊቶትን ጅራተን፣

እዶ ትክስቶትን ጅራተኒፊ ጎለ ቡሻዬ ተአ።

7እንስ ሀንዹራ ሀምባ መነ ይሁዳ ተአ፤

እሳን አችት ለፈ ዼዳ አርገቱ።

እሳን ገልገለ ገልገለ

መነ አሽቀሎን ኬሰ ጭጪሱ።

ዋቀዮ ዋቅንሳኒ እሳን ትክሰ፤

ቦጁሳኒስ ንዴብሳፍ።

ሞኣቢፊ አሞን

8“አን አረብሶ ሞኣቢፊ

ቆሳ አሞኖታ፣

ወረ ሰበኮ አረብሰኒፊ

ብየሳኒ ዶርስሰን ሰና ዸገኤረ።

9ከናፉ አኩመ አን ዹጉማን ጅራታ ተኤ ሰነ፣”

ጄዸ ዋቀዮ ዋን ሁንደ ደንደኡ፣

ዋቅን እስራኤል አከነ ጄዸ፤

“ሞኣብ ዹጉማን አኩመ ሶዶም፣

አሞኖትንስ አከ ጎሞራ፣

እዶ አረማቲፊ ቦለ ሶግዳ፣

ለፈ በረ በራን ኦኔ ንተኡ።

ሀፍቴን ኡመተኮቲ እሳን ሳሙ፤

ወር ሰበኮ ኬሳ በዲ ጀላ በአን ብየሳኒ ንዻሉ።”

10ኩን ገቲ እሳን ኦፍ ቱሉማሳኒቲፍ አርገተኒዸ፤

እሳን ሰበ ዋቀዮ ዋን ሁንደ ደንደኡ አረብሰኒ

እት ቆሰኒሩቲ።

11ዋቀዮ ዬሮ ዋቆተ ብየቲ ሁንደ በርበዴሱት፣

አከ መሌ እሳን ሶዳችሰ።

ሰቦትን ቀርቀረ ገላነ ሁንዳረ ጅራተን፣

ነምን ብየሳ ኬሰ ጅራቱ ሁንድኑስ እሰ ዋቄፈተ።

እቶጵያ

12“ያ ወረ እቶጵያ

እስንስ ጎራዴኮቲን ንጎረአምቱ።”

አሶር

13እን ካበት ሀርከ ኦል ፉዸተ፤

አሶርንስ ንበርበዴሰ፤

ነነዌ ጉቱማን ጉቱት ንኦንሰ፤

አኩመ ገሞጂት ጎግሴ ሀምብሰ።

14ቡሻዬፊ ሎን፣

ኡመመወን ጎሰ ሁንዳ አች ጭጪሱ።

ኡሩንጉፊ ዸዴን

ኡቱባሼረ ቦቆቱ።

ሰገሌንሳኒ ፎዳወን ኬሳን ዸገአመ፤

ዲገምን በልበለሳኒ ዱረ ጅረ፤

ዴምዴሞን ብርብርሳ ሁንድኑ ቁላ ሀፈ።

15ኩን መጋላ ኦፍ ህንኤገትኔ

ከን ገሩ ነጉማን ጅራቱዸ።

መጋላን ኩን፣

“አኑመ ቆፈ መሌ ከን ብራ ነ ብረ ህንጅሩ” ኦፊን ጄቴ።

እሼን አከም አከስ ኦንቴ፣

እዶ ብኔንስ ቦሶና ጅራቱ ታቴ!

ነምን እሼ ብረ በኤ ደርቡ ሁንድኑ ንቆሰ፤

ሀርከሳስ ንራሰ።