ፋርፈትና 73

ክታበ ሰደፋ

ፋርፈትና 73–89

ሞአትኖ ሙርቲ ቀጄላ

ፋርፈትና አሳፍ።

1ዹጉማን ዋቅን እስራኤሊፍ፣

ወረ ገራንሳኒ ቁልቁሉ ተኤፍ ጋሪዸ።

2አን ገሩ ሚልኮ ጉፈቹ ገኤ፣

ፋንኮስ ሙጩጫቹ ገኤ ቱሬ።

3አን ዮሙን በዻዹማ ሀሞታ አርጌት፣

ኦፍ ቱልቶተት ህናፌን ቱሬቲ።

4እሳን ህንዽጰተን፤

ዸግንሳኒስ ፈያዸ፤ ጭማ ዸስ።

5ረክን ነመ ብራት ዹፉ እሳንት ህንዹፉ፤

እሳን አከ ነሞተ ካኒ ዹኩባን ህንዸአመን።

6ከናፉ ኦፍ ቱሉማን ፋየ ሞርመሳኒት፤

ፍንጭለስ አከ ወያት ኡፈቱ።

7እጅሳኒ ጮሜ አለት ዺበመ፤

ሀምን እሳን ገራት ያደን ዹመ ህንቀቡ።

8እሳን ንቆሱ፤ ሀምነስ ንዱበቱ፤

ኦፍ ቱላ ጩንቁርሳዻን ነመ ዶርስሱ።

9አፋንሳኒ ሰሚ ፈልመተ፤

አረብንሳኒስ ለፈ ዻለ።

10ከናፉ ሰብን ገረሳኒት ደቸኤ

ብሻን ባይኤ ዹገ።

11እሳንስ፣ “ዋቅን አከምት ቤኩ ደንደኣ?

ዋቅን ዋን ሁንዳ ኦሊ ቤኩምሰ ቀባ?” ጄዹ።

12ኤጋ ነሞትን ሀሞን አከነ፤

እሳን ዬሮ ሁንደ ያዶ መሌ ጅራቱ፤

በዻዹማንስ ጉደቻ ዴሙ።

13ዮስ አን አከሱማን ገራኮ ቁልቁልናን ኤገዼ

ሀርከኮስ አከሱማን ዽቀዼ ካ!

14አን ጉያ ጉቱ ዸአሜረ፤

ገነመ ገነመስ አደበሜረ።

15አን ኡቱ፣ “አከነ ነንዱበዸ” ጄዼ ጅራዼ

ስላ እጆሌኬ ነንየከን ቱሬ።

16ገሩ ዮሙ አን ዋን ከነ ሁንደ ሁበቹ ያሌት፣

ወን ኩን ሆጂ ደዸብሲሳ ነት ተኤ።

17ኩንስ ሀመ አን እዶ ቁልቁሉማ ዋቃ ሴኑት ቱሬ፤

ኤርገሲስ አን ገልገለሳኒ ነንሁበዼ።

18ዹጉማን አት እዶ ሙጩጫታረ እሳን ዻብዴ፤

አከ እሳን ኩፈኒ ጨጨበኒፍስ ገድ እሳን ደርበቴ።

19እሳን አከሚን ጉቱማን ጉቱት ሶዳዻን ፉዸተመኒ

አኩመ ተሳ በርበዳአን!

20አኩመ አብጁን ዬሮ ነምን ህርባ ደመቁት ተኡ ሰነ፣

አትስ ያ ጎፍታ፣ አከሱመ ዮሙ ኦል ካቱ፣

ሀዊ ገራሳኒ ንቡሼስተ።

21ዮሙ ሉቡንኮ ገድቴ

ኦኔንኮስ ወራነምቴት፣

22አን ጎዋፊ ወላላን ቱሬ፤

ፉለኬ ዱረትስ አከ ሆሪ ነንተኤ።

23ተኡስ አን ዬሮ ሁንደ ስ ወጅነን ጅረ፤

አትስ ሀርከኮ ምርጋ ንቀብደ።

24አት ጎርሰኬቲን ነ ቀጄልችተ፤

ኤርገሲሞ ኡልፍነት ነ ገልችተ።

25አን ሰሚ ኬሳ ኤኙነን ቀበ?

ለፈራስ ስ መሌ ሆማ ህንፌዹ።

26ፎንኮፊ ኦኔንኮ ደዸቡ ደንደኡ፤

ዋቅን ገሩ ጀብነ ገራኮት፤

በረ በራንስ እን ቆደኮ።

27ወር ስራ ፈጎ ጅረን ንበዱ፤

አትስ ወረ ሲፍ ህንአመነምኔ ሁንደ ንበሌስተ።

28አከ አን ያዱት ገሩ ዋቀት ዽኣቹን ጋሪዸ፤

ዋቀዮ ጎፍታ ደኦኮ ጎዸዼረ፤

አን ሆጂኬ ሁንደ ነንለብሰ።