ፋርፈትና 71

ከዸትና ጃርሳ

71፥1‑3 ኩወፈ – ፋር 31፥1‑4

1ያ ዋቀዮ፣ አን ኮሉ ስት ገሌረ፤

አት ጎንኩማ ነ ህንቃኔስን።

2ቀጄሉማኬቲን ነ ባስ፤ ነ ኦልችስ፤

ጉረኬ ገረኮት ቀብ፤ ነ ፈይስስ።

3አት ከታ አን ኮሉ እት ገሉ፣

እዶ አን ዬሮ ሁንደ እት በቀዹ ና ተእ፤

አት ዋን ከታኮፊ ደኦኮ ታቴፍ፣

ነ በራሩፍ አጀጀ ኬን።

4ያ ዋቀኮ፣ ሀርከ ነመ ሀማ፣

ቀባ ነመ ጀልኣቲፊ ገረ ጀቤሳ ኬሳ ነ ባስ።

5ያ ዋቀዮ ጎፍታ፣ አት አብዲኮቲ፤

እጆሉማኮቲ ካፍቴስ አት ዋቀ አን አመነዹዸ።

6አን ጋፈን ዸለዼ ጀልቀቤ ስት እርከዼረ፤

ገደሜሰ ሃዸኮ ኬሳስ ስቱ ነ ባሴ።

አን ዬሮ ሁንደ ስን ገለቴፈዸ።

7አን ነሞተ ባይኤዻፍ መለቶ ተኤረ፤

አት ገሩ ደኦኮ እሰ ጀባዸ።

8አፋንኮ ጉያ ጉቱ፣

ገለታፊ ኡልፍነኬቲን ጉተመ።

9ዬሮ አን ዱሎሙት አት ነ ህንገትን፤

ዬሮ ሁምንኮ ዹሙትስ ነ ህንዺስን።

10ዲኖትንኮ ነት መርአቱቲ፤

ወር ነ አጄሱፍ ርጰኒ ኤገተንስ ወሊ ወጅን ነት መርአቱ።

11እሳንስ፣ “ዋቅን እሰ ዺሴረ፤

ነምን እሰ ኦልቹ ቶኮዩ ህንጅሩቲ

ፋነ ቡኣቲ ቀባ” ጄዹ።

12ያ ዋቅ፣ ነራ ህንፈጋትን፤

ያ ዋቀኮ፣ ነ ገርጋሩፍ ደፊ ኮቱ።

13ወር ነ ህመተን ቃነአኒ ሃበደን፤

ወር ነ ሚዹ በርባደንስ

ቱፊፊ ሰልጵነ ሃኡፈተን።

14አን ገሩ ዬሮ ሁንዱማ አብዲ ቀበ፤

እቱመ ጫልችሴስ ስን ገለቴፈዸ።

15አን ዮ ሀመም አከ እን ገኡ ቤኩ ባዼሌ፣

አፋንኮ ዋኤ ቀጄሉማኬቲቲፊ

ዋኤ ፈይሱኬቲ ጉያ ጉቱ ንኦዴሰ።

16ያ ዋቀዮ ጎፍታ፣ አን ዹፌ

ሆጂኬ ሁምነ ቀቤሰ ሰነ ነንኦዴሰ፤

አን ቀጄሉማኬ ቆፈ ለብሰ።

17ያ ዋቅ፣ አት እጆሉማኮቲ ጀልቀብዴ ነ በርሲፍቴርተ፤

አንስ ሀመ ሀርኣት ሆጂኬ ድንቅሲሳ ሰነ ነንለብሰ።

18ያ ዋቀዮ፣ ዬሮ አን ዱሎሜ መታንኮ አሪ ተኡትሌ፣

ሀመ አን ሁምነኬ ዸሎተ ከነት፣

ጀብነኬስ ዸሎተ ዹፉፍ ጅሩ ሁንደት ለብሱት፣

አት ነ ህንዺስን።

19ያ ዋቅ፣ ቀጄሉማንኬ ሰሚወን ብረ ገአ፤

አት ዋን ጉርጉዳ ሆጄቴርተ፤

ያ ዋቅ፣ ከን አከኬቲ ኤኙ?

20አት ረክናፊ ዽጵነ ባይኤ ነ አርግሲፍቴርተ፤

ተኡስ ጅሬኘኮ ዴብፍቴ ንሃሮምስተ፣

ቅሌ ለፋ ኬሳስ ዴብፍቴ ኦል ነ ባፍተ።

21ኡልፍነኮ ንጉድፍተ፤

አመሌ ነ ጀጀቤስተ።

22ያ ዋቀኮ፣ አን አመነሙማኬቲፍ፣

ክራራን ስን ፋርፈዸ፤

ያ ቁልቁልቸ እስራኤል

አን ክራራን ፋርፈትና ገለታ ሲፍ ፋርፈዸ።

23ዮሙ አን ፋርፈትና ገለታ ሲፍ ፋርፈዹት፣ ህዺንኮ፣

ሉቡንኮ ከን አት ፉርቴስ ጉድሰኒ ንእልልቹ።

24ወር ነ ሚዹ በርባደን፣

ዋን ቃነአኒ ቡርጃጀአኒፍ

አረብንኮ ጉያ ጉቱ

ቀጄሉማኬ ኦዴሰ።