ፋርፈትና 49

ቀቤኘ አብደቹን ፋይዳ ህንቀቡ

ዱረ ቡኣ ፋርፈቶታቲፍ። ፋርፈትና እልማን ቆራህ።

1ያ ነሞተ፣ እስን ሁንድ ዋን ከነ ዸገኣ፤

ወር አዱኛ ከነረ ጅራተን ሁንድኑ ዸጌፈዻ፤

2ጥናፊ ጉዳን፣ ሶሬሲፊ ህዬስ ወሉማን

ዸጌፈዻ፤ ኩንስ፦

3አፋንኮ ዱቢ ኦጉማ ዱበተ፤

ወንት አን ገራት ያዱስ ሁበትና ኬነ።

4ጉረኮ ገረ መማክሳት ነንቀበዸ፤

ህቦኮስ በገናዻን ነንእብሰዸ።

5በረ ረክና፣ ዬሮ ጎዎምስቶትን ሀሞን

ነ መርሰንት፣ አን ማሊፈን ሶዳዸ?

6እሳን ቀቤኘሳኒ አመነቱ፤

ጉድነ ሶሩመሳኒቲንስ ቦኑ።

7ነምን ሉቡ ነመ ገረ ብራ ፉሩ፣

ዮካን ገቲ ፉሪ ነመ ሰና ዋቃፍ ባሱ ቶኮዩ ህንጅሩ፤

8ፉሪን ሉቡ ነማ ገቲ ጉዳ ቀባቲ፤

ገቲን ቁፍሳንስ ዮምዩ ህንአርገሙ፤

9ስላ እን በረ በራን ንጅራተ፤

ህንቶርቶሩስ ቱሬ።

10አከ ኦጌዪን ዱአን ነምን ሁንድኑ ንአርገ፤

ጎዎትኒፊ ራቱወንስ አከሱመ ንበዱ፤

ቀቤኘሳኒስ ወረ ካኒፍ ዺሱ።

11እሳን ዮ ለፈ መቃሳኒቲን ዋመምቱ ቀባተንሌ፣

አዋልሳኒ በረ በራን መነሳኒ፣

ዸሎታ ሀመ ዸሎታትስ እዶ ቦቆናሳኒ ተኤ ሀፈ።

12ነምን ገሩ ቀቤኘ ቀባቱሌ በረ ዼራ ህንጅራቱ፤

እን አኩመ ብኔንሰ ዱኤ በዱት።

13ወን ነሞተ ኦፍት አመነተኒፊ

ወረ እሳን ዱካ ቡአኒ ዱቢሳኒ ሆእሰን ኤገቱ ከኑመ።

14እሳን አኩመ ሆላ ዱኣፍ ረመደመኒሩ፤

ዱት ትክሴሳኒት፤

ቶሎን ገነማን እሳንረት ኣንጎ ቀባቱ፤

ዸግንሳኒ መነሳኒራ ፈጋቴ አዋለ ኬሰት ንቶርቶረ፤

አዋልስ መነ ጅሬኘሳኒት።

15ዋቅን ገሩ ሉቡኮ ሁምነ ሲኦል ጀላ ባሰ፤

እን ዹጉማን ኦፍት ነ ፉዸተ።

16ዮሙ ነምን ቶኮ ሶሮሙ፣

ዮሙ ኡልፍን መነሳስ ጉደቱ ህንሶዳትን።

17እን ዮሙ ዱኡት ዋኑመ ቶኮሌ ፉዸቴ ህንዴሙቲ፤

ኡልፍንሳስ እሰ ወጅን ህንዸቁ።

18እን በረ ጅሬኘሳ ሉቡሳ ኤብሱዩ፣

ዮ ነሞትን ዬሮ አት ዋን ጋሪ ኦፊኬቲ ጎዸቱት ስ ጀጀንሌ፣

19እን ገረ ዸሎተ አቦቲሳ፣

ገረ ወረ ጎንኩማ ዴብአኒ እፈ ጅሬኛ ህንአርግኔ ንዸቀ።

20ነምን በዻዻን ሁበትና ህንቀብኔ፣

አኩመ ብኔንሳ ዱኤ በደ።