ፋርፈትና 42

ክታበ ለመፋ

ፋርፈትና 42–72

ዋቀዮን ዼቦቹ

ዱረ ቡኣ ፋርፈቶታቲፍ። መስኪሊ እልማን ቆራህ።

1አኩመ ገደምስ ብሻን ያኡት ገገቡ ሰነ፣

ያ ዋቀኮ፣ ሉቡንኮ ስት ገገብድ።

2ሉቡንኮ ዋቀዮን ዋቀ ጅራታ ዼቦት።

አን ዮምን ዸቄ ፉለ ዋቃ አርገ?

3እምማንኮ ሀልከኒ ጉያ ሶረ ና ተኤረ፤

ነሞትን ጉያ ጉቱ “ዋቅንኬ ኤሰ ጅረ?” አናን ጄዹቲ።

4አን ዮሙን ዋን ከነ ያደዹት፣

ሉቡኮ ኦፍ ኬሰት ነንዸንገላሰ፦

እልሌፊ ፋርፈትና ገለታቲን

ቱተ አያነ አያኔፈቱ ቶኮ፣

ህሪራን ገረ መነ ዋቃት ጌጌሳ

ቱትቸ ወጅን አከምት አከ አን ዴማ ቱሬ ያደዸ።

5ያ ሉቡኮ፣ አት ማሊፍ ገድተ?

ነ ኬሰትስ ማሊፍ ራፈምተ?

አብዲኬ ዋቀረ ኬየዹ፤

አን አመዩ እሰ ነንጀጀዸ።

ፈይሳኮፊ ዋቀኮ ነንጀጀዸ።

6ሉቡንኮ ነ ኬሰት ገድቴርት፤

ከናፉ አን ብየ ዮርዳኖስራ፣

ፊጤ ሄርሞኒፊ

ጋረ ሚዛሪራ ስ ያደዸ።

7ሁርሳ ፍንጫኣኬቲቲን፣

ቱጁብን ቱጁበ ዋመ፤

ደምበሊፊ ዸኣንኬ ሁንድኑ፣ ነረ ያአን።

8ዋቀዮ ጉያዻን ጃለለሳ ከን ህንጌደረምኔ ንአጀጀ፤

ሀልከንሞ ፋርፈናንሳ ነ ወጅን ጅረ፤

ኩንስ ከዸትና አን ዋቀ ጅሬኘኮቲ ከዸዹዸ።

9አንስ ዋቀ ከታኮቲን አከነ ነንጄዸ፤

“አት ማሊፍ ነ ደገቴ?

ማሊፍ አን ዲናን ጩንቁርፈሜ ገዳን ጅራዸ?”

10አመጃጆንኮ ጉያ ጉቱ፣

“ዋቅንኬ ኤሰ ጅረ?” ጄዸኒ ነት ቆሱዻን፣

አኩመ ጎራዴ ለፌኮ ኬሳት ነ ዽጵሱ።

11ያ ሉቡኮ፣ አት ማሊፍ ገድተ?

ነ ኬሰትስ ማሊፍ ራፈምተ?

አብዲኬ ዋቀረ ካአዹ፤

አን አመዩ እሰ ነንገለቴፈዸ፤

ፈይሳኮፊ ዋቀኮ ነንጀጀዸ።