ፋርፈትና 21

ገለተ ዋኤ ሞትቻቲፍ ዽኣቴ

ዱረ ቡኣ ፋርፈቶታቲፍ። ፋርፈትና ዳዊት።

1ያ ዋቀዮ፣ ሞቲን ጀብነኬት ባይኤ ገመደ።

ገርጋርሰ ኬትስ ገመቹንሳ ሀመም ጉዳዸ!

2አት ሀዊ ገራሳ ኬንቴፊ ጅርተ፤

ከዸትና አፋንሳስ እሰ ህንዾወትኔ።

3አት ኤበ ጉዳዻን እሰ ስመቴ፤

ጎንፎ ወርቄ ቁልቁሉስ መታሳረ ኬሴ።

4እን ጅሬኘ ስ ከዸቴ፤ አትስ ንኬንቴፍ፤

በረ ዼራስ በረ በራ ሀመ በረ በራት ኬንቴፍ።

5ኡልፍንሳ ሞአትና አት እሳፍ ኬንቴን ጉዳ ተኤ፤

አትስ ኡልፍናፊ ሱራ እሰት ኡውፍቴ።

6አት ኤበ በረ በራ ኬንቴፍ፤

አከ እን ገመቹ አርገመኬቲቲን ገመዱስ ጎቴ።

7ሞትች ዋቀዮን አመነታቲ፤

ሰበቢ ጃለለ ዋቀ ዋን ሁንዳ ኦሊ

ከን ህንጌደረምኔ ሰናቲፍስ እን ህንራፈሙ።

8ሀርክኬ ዲኖተኬ ሁንደ ንቀበተ፤

ሀርክኬ ምርጋስ ወረ ስ ጅበን ንቀበ።

9ዬሮ ሙልአቹኬቲት፣

አከ ቦለ እብድ ኬሳ ቦበኡ እሳን ጎተ።

ዋቀዮ ዼከምሰሳቲን እሳን ልቅምሰ፤

እብድስ እሳን ፍጠ።

10አት ሰኚሳኒ ለፈራ፣

እጆሌሳኒስ እልማን ነማ ግዱዻ ንበሌስተ።

11እሳን ዮ ዋን ሀማ ስት ያደን፣

ዮ ደበ ስት መርአተንስ ህንምልካአን።

12አት ዮሙ እዳኬ እሳንት ቀብዱት፣

አከ እሳን በቀተን ጎታቲ።

13ያ ዋቀዮ፣ ጀብነኬቲን ኦል ኦል ጄዽ፤

ኑ ሁምነኬ ንጀጀትነ፤ ንፋርፈነስ።